21-dekabr 9-,,G” sinf Ona tili

,,Qaysi guruh bilimdon” o’yini o’tkaziladi. Bu o’yinda guruhlarga nisbiy so’zlar qatnashgan xalq maqollari yoki she’r aytish topshiriladi.Maqol yoki she’rlardagi nisbiy so’zlarni toppish va izohlash vazifasi beriladi.

Masalan:

Kim mard bo’lsa so’ziga,oydir ona ko’ziga.(Kim –so’roq olmoshi,uning- ko’rsatish olmoshi yashirin )

Kimning qayeri og’risa,o’sha yeri haqida gapiradi(Kim-so’roq olmoshi,u-ko’rsatish olmoshi yashirin )

Nimani qilsang xor,o’shanga bo’lasan zor(Nimani –so’roq olmoshi,o’shanga-ko’rsatish olmoshi)

Nimani eksang,shuni o’rasan.( nimani-so’roq olmoshi,shuni-ko’rsatish olmoshi)

Har kimki vafo qilsa,vafo topqusidir

Har kimki javo qilsa, javo topqusidir,

Yaxshi kishi ko’rmagay yomonlik hargiz,

Har kimki yomon bo’lsa,jazo topqusidir

(Kimki-so’roq olmoshi,o’sha –ko’rsatish olmoshi yashirin)

131-mashq shartiga ko’ra ,,Zukkolar” o’yini o’tkaziladi.O’yin shartiga ko’ra guruh a’zolari bir-biriga nisbiy so’zli ergashgan qo’shma gap aytadi. Boshqa guruh a’zolari esa bu gapni sodda gapga aylantiririshi kerak.Qaysi guruh to’xtab qolsa,yutqizgan hisoblanadi.

Namuna:

1,,Sog’lom avlod” guruhi:Har kimki vafo qilsa, vafo topqusidir.

,,Barkamol avlod” guruhi: Vafo qilgan vafo topadi.

2. ,,Barkamol avlod” guruhi: Kimning do’stlari ko’p bo’lsa,o’shaning hamma ishi baroridan keladi.

,,Komil inson” guruhi: Do’stlari ko’p bo’lgan kishining ishlari baroridan keladi

3. ,,Komil inson” guruhi:Kimning ko’ngli ochiq bo’lsa,uning martabasi ulug’ bo’ladi.

,,Sog’lom avlod” guruhi:Ko’ngli ochiq bo’lganning martabasi ulug’ bo’ladi.

Guruh a’zolari ishtirokiga ko’ra baholanadi.