Statsionar metod. Odatda tabiatda muntazam kuzatishni talab etadigan va o’zgarib turadigan hodisa va jarayonlarni o’rganishda qo’llaniladi. Jumladan, harorat, shamolning tezligi va yo’nalishi, namlik, suv oqimi, daryo va suv ombori suv sathining o’zgarishi, yer osti suvlari, o’simliklarning fenologik bosqichlari, shuningdek, fasllar va yillar davomida tabiiy komplekslarning dinamikasi maxsus asboblar yordamida muntazam kuzatiladi. Odatda, bu metod yordamida axborotlar, jihozlar, apparatlar va turli texnik qurilmalar (meteostantsiya, gidropost, aerologik stantsiyalar va h.k.) dan olingan ma’lumotlarga asoslanadi. Bu ma’lumotlar jadval, grafik holatda qayta ishlab chiqiladi va jihozlanadi. Bunday ma’lumotlar tadqiqot ishlarining ilmiyligini va amaliy ahamiyatini oshirishga katta yordam beradi.
Do'stlaringiz bilan baham: |
