3 Laboratoriya ishi rdb tokarlik dastgohida detallarga ishlov berish uchun boshqaruv dasturini ishga tushirish rdb tokarlik dastgohida detallarga ishlov berish uchun boshqaruv dasturining vazifasi

Boshqaruvchi dastur kadrlarining strukturasi. Kadr strukturasiga 
ma’lum talablar qo‘yiladi [16].
1. Har-bir kadr N («Kadr raqami») simvoli bilan boshlanishi, uning 
tarkibida axborot so‘zlari yoki so‘z bo‘lishi va PS («Kadr oxiri») simvoli bilan 
tugallanishi lozim. Zarur bo‘lganda kadrda tabulyasiya simvollari ko‘rsatiladi. 
Bu simvollar «kadr raqami» so‘zdan boshqa istalgan so‘z oldida yoziladi.
2. Kadrda axborot so‘zlarini quyidagi navbat-tartibda yozish tavsiya 
etiladi:
- «Tayyorlanish funksiyasi» so‘zi;
- «O‘lchamli siljishlar» so‘zi X, Y, Z, U, V, W, P, Q, R, A, B, C tartibda 
yoziladi; 
- «Interpolyasiya parametri yoki rezba qadami»: I, J, K so‘zlari; 
- ma’lum koordinata o‘qiga tegishli «surish funksiyasi» so‘zi (yoki 
so‘zlari) bevosita shu o‘q bo‘ylab «o‘lchamli siljish» so‘zidan keyin yozilishi 
lozim. Agar «surish funksiyasi» so‘zi ikkita va bundan ortiq o‘qlarga tegishli 
bo‘lsa, u holda bu so‘z o‘ziga qarashli oxirgi «o‘lchamli siljish» so‘zidan keyin 
kelishi lozim; 
- «Asosiy harakat funksiyasi» so‘zi; 
- «YOrdamchi funksiya» so‘zi (yoki so‘zlari). 
3. 12.2-jadvalda ko‘rsatilgan ma’nolardan boshqacha ma’nolarjda 
foydalaniladigan U, V, W, P, Q, R adresli so‘zlarni va D, E, H adresli so‘zlarni 
yozish tartibi konkret RDB qurilmasining shakltida ko‘rsatilgan bo‘lishi lozim.
4. Bitta kadr ichida:
- «O‘lchamli siljishlar» va interpolyasiya parametri yoki «Rezba qadami» 
so‘zlari takrorlanmasligi kerak; 
- bir guruhga kirgan «tayyorlanish funksiyasi» so‘zlaridan foydalanmaslik 
kerak.
5. «Asosiy kadr» simvolidan keyin ishlov berishni boshlash yoki qayta 
tiklash uchun zarur bo‘lgan barcha axborot yoziladi. Bu holda «Asosiy kadr» 
simvoli N simvoli o‘rniga «Kadr nomeri» so‘zida manzil (adres) sifatida 
yoziladi. «Asosiy kadr» simvolidan perfotasmani qayta o‘rashda uni kerakli 
joyda to‘xtatish uchun foydalanish mumkin. 
6. «Kadrni ishga tushirish» rejimidan foydalanish zarur bo‘lganda «Kadr 
nomeri» so‘zidan va «Asosiy kadr» simvolidan oldin «Kadrni o‘tkazib 
yuborish» simvoli yoziladi. Bu rejimdan stanokni sozlashda foydalaniladi.