3 Laboratoriya ishi rdb tokarlik dastgohida detallarga ishlov berish uchun boshqaruv dasturini ishga tushirish rdb tokarlik dastgohida detallarga ishlov berish uchun boshqaruv dasturining vazifasi
Download 0.59 Mb. Pdf ko'rish
|
3-Laboratoriya ishi
|
3 - Laboratoriya ishi RDB tokarlik dastgohida detallarga ishlov berish uchun boshqaruv dasturini ishga tushirish RDB tokarlik dastgohida detallarga ishlov berish uchun boshqaruv dasturining vazifasi. Konkret detalga RDB stanokda ishlov berishni ta’minlaydigan boshqaruvchi dasturdagi axborot mos dastur tashigichga (ko‘pincha perfotasmaga) ma’lum tartibda terilgan kadrlar tarzida yoziladi. Har bir kadrda detalning elementar uchastkasiga, masalan, tayanch nuqtalar o‘rtasidagi uchastkaga ishlov berish uchun zarur bo‘lgan geometrik va texnologik axborot mavjud bo‘ladi. Kadrlar o‘z navbatida so‘zlardan iborat bo‘ladi. Bu so‘zlardagi axborot ayrim bajaruvchi organlarning ishini: X,Y,Z koordinatalar bo‘ylab siljishlarni, asboblarni almashtirish mexanizmlarining ishini va h.k. ni belgilab beradi. Har bir so‘z perfotasmada bir nechta ko‘ndalang satrni egallaydi. Boshqaruvchi dasturni perfotasmaga yozishning ikkita: kadrlar uzunligini o‘zgarmas va o‘zgaruvchan qilib yozish usullari bor. Birinchi usulda kadr hajmi dasturning boshidan oxirigacha o‘zgarmay qoladi va perfotasmada egallangan satrlar soni bir xil bo‘ladi. Bunday kadrda barcha so‘zlar (komandalar) ni ularning takrorlanishidan va qanday raqamli bo‘lishidan qat’iy nazar, yozish uchun joy qoldiriladi. Kadrning ma’lum bir qismi biror axborotni bildiradi. Bu usulning kamchiliklari: perfotasma ko‘p sarflanadi va dasturlash juda sermehnat bo‘ladi. Ko‘rsatilgan kamchiliklar boshqaruvchi axborotni kadr uzunligini o‘zgaruvchan qilib yozishda bartaraf etiladi. Bu usul harf-raqamli kodlardan foydalanganda keng qo‘llaniladi. Bunday kodlarga xarf-raqamli kod BSK-5 (stanoksozlik normali E68-1) va etti razryadli harf-raqamli kod ISO-7 bit misol bo‘ladi. ISO-7 bit kodi hozirgi RDB stanoklarida keng ko‘lamda ishlatiladi. ISO-7 bit kodi boshqaruvchi axborotni sakkiz yo‘lli perfotasmaga yozish uchun mo‘ljallangan 128 ta simvolni kodlashga imkon beradi. Dastlabki to‘rt yo‘lchaga (9.1-rasm) ikkili-o‘nli kod 8421 ning vazni yozilgan. 5–7– yo‘lchalarga belgilar (alomatlar) yoziladi. Masalan, 0 dan 9 gacha o‘nli raqamlar alomati perfotasmaning 5 va 6 – o‘lchalaridagi teshiklardan iborat. Lotin alfavitidagi A dan O gacha harflar mos holda 0 dan 15 gacha raqamlar bilan ifodalanadi. Bular perfotasmaning 7-yo‘liga yoziladi. P dan Z gacha oxirgi harflar 0 dan 10 gacha raqamlar bilan ifodalanadi, lekin ular A dan O gacha bo‘lganlardan boshqacha belgi bilan ifodalanadi, ya’ni 5 va 7 yo‘lchalardagi teshiklar bilan ifodalanadi. Download 0.59 Mb. Do'stlaringiz bilan baham: 
|