3-Mavzu: Mehnatni muhofaza qilish sohasida xodimning huquqlari va majburiyatlari

34-modda. Xodimning hayoti va sog‘lig‘iga yetkazilgan zararning o‘rnini yuridik shaxs qayta tashkil etilgan yoki tugatilgan taqdirda qoplash
Xodimning hayoti va sog‘lig‘iga yetkazilgan zarar uchun belgilangan tartibda javobgar deb topilgan yuridik shaxs qayta tashkil etilgan taqdirda zararning o‘rnini qoplash bo‘yicha tegishli to‘lovlarni to‘lash majburiyati uning huquqiy vorisi zimmasida bo‘ladi. Zararning o‘rnini qoplash to‘g‘risidagi talablar ham unga taqdim etiladi.
Xodimning mehnat vazifalarini bajarishi bilan bog‘liq holda hayoti va sog‘lig‘iga yetkazilgan zarar uchun javobgar bo‘lgan, qayta tashkil etilayotgan yuridik shaxsning mablag‘lari mavjud bo‘lmagan yoki yetarli bo‘lmagan taqdirda tegishli summalar qonunchilikda belgilangan tartibda davlat tomonidan to‘lanadi. Mazkur summalar qonunda nazarda tutilgan boshqa hollarda ham davlat tomonidan to‘lanadi.
Xodimning hayoti va sog‘lig‘iga yetkazilgan zarar uchun belgilangan tartibda javobgar deb topilgan yuridik shaxs tugatilgan taqdirda tegishli to‘lovlar ularni jabrlanuvchiga to‘lash uchun qonunchilikda belgilangan tartibda kapitallashtirilishi kerak.
Tugatilayotgan yuridik shaxsning mol-mulki mavjud bo‘lmaganligi yoki yetarli bo‘lmaganligi sababli to‘lovlarni kapitallashtirish mumkin bo‘lmagan hollarda tegishli summalar jabrlanuvchiga qonunchilikda belgilangan tartibda davlat tomonidan to‘lanadi.
35-modda. Nizolarni hal etish
Mehnatni muhofaza qilish sohasidagi nizolar qonunchilikda belgilangan tartibda hal etiladi.
36-modda. Mehnatni muhofaza qilish to‘g‘risidagi qonunchilikni buzganlik uchun javobgarlik
Mehnatni muhofaza qilish to‘g‘risidagi qonunchilikni buzganlikda aybdor shaxslar belgilangan tartibda javobgar bo‘ladi.


Nаzоrаt sаvоllаri
1. Soha faoliyatlarini tashkil qilish
2. Mehnat xavfsizligi xizmatining asosiy vazifasi
3. Soha xodimlarining hayot faoliyati xavfsizligini ta’minlash
4. Xavfsizlikni ta’minlovchi vositalar
5. Ish vaqti va dam olish rejimi
6. Ayollar va yoshlar mehnatini muhofaza qilish