3-МАВЗУ. ТАЪЛИМ ТАШКИЛОТЛАРИДА КАСБИЙ ПЕДАГОГИК МАДАНИЯТ ВА МАЪНАВИЯТ - Маърузачи:
- п.ф.б.ф.д. (PhD), доцент М.К.Исмаилов
- Фаннинг номи – Педагогика ва психология фанларини ўқитиш методикаси
- Жаҳон таълим тизими амалиётида педагог-мутахассис кадрларнинг касбий маданияти ҳамда маънавиятини ривожлантириш ва ижтимоий-маданий компетентлигини шакллантириш орқали уларнинг ўзгарувчан меҳнат бозори талабларига мослашувчанлигини оширишга катта эътибор қаратилмоқда. Ушбу тенденция сўнги вақтларда халқаро илмий жамоатчилик томонидан “педагогик дунёқараш” (pedagogical worldview) муаммосига бағишланган илмий тадқиқотларнинг кўпайишига сабаб бўлмоқда.
- Дунё амалиётида ўқитувчиларнинг касбий фаолиятини такомиллаштиришнинг педагогик-психологик хусусиятларини аниқлаштириш, инновацион ёндашувлар асосида касбий ривожлантиришнинг модулли технологияларини ишлаб чиқишга доир қатор илмий изланишлар амалга оширилмоқда. Шу билан бирга, педагог-ходимнинг когнитив ва ижтимоий-маданий компетентлигини ривожлантиришнинг касбий-педагогик технологияларини ишлаб чиқиш, ижтимоий фаол ўқитувчи шахси ва унинг касбий имиджини шакллантиришнинг педагогик-психологик механизмларини такомиллаштириш алоҳида аҳамият касб этмоқда.
- Ана шу нуқтаи назардан, мактаб ўқитувчиларининг касбий маданиятини ривожлантиришда изчиллик ва узлуксизлик тамойилларини таъминлаш, мазкур жараёнга компетенциявий ва технологик ёндашувларни жорий этиш, унинг педагогик-психологик хусусиятларини аниқлаштириш ҳамда моҳиятини очиб бериш, таркибий қисм-компонентлари ва тамойилларини аниқ белгилаш кабилар педагогика назарияси ва амалиётининг долзарб масалаларидан бири сифатида илмий тадқиқот ишлари олиб боришни тақозо этади.
Do'stlaringiz bilan baham: |
