3. Variant Avtomobillar uchun ehtiyot qismlarning hisobi

6.8-жадвал
Эҳтиёт қисмлар ҳаракатини счётларда акс эттириш

№	Операциянинг мазмуни	Сумма	Дебет счет	Кредит счет	Асос бўлувчи ҳужжат
1	ҚҚС тўловчи автотранспорт корхоналарида эҳтиёт қисмлар таъминотчилардан кирим қилинганда: -сотиб олиш қийматига (ҚҚСсиз) -ҚҚС суммасига	1000000 200000	1040 4410	6010 6010	Шартнома, счёт-фактура
2	Ягона солиқ тўловчи авто-корхоналарда эҳтиёт қисмлар-нинг таъминотчилардан кирим қилинишига (ҚҚС билан бирга)	1200000	1040	6010	Шартнома, счёт-фактура
3	Шаҳар йўловчи транспорти учун ишлатилган эҳтиёт қисмлар бўйича таъмионтчиларга тўланган ҚҚС суммасининг улар таннархига киритилишига	200000	1040	4410	Далолатнома ва бухгалтерия ҳисоб-китоби
4	Эҳтиёт қисмларнинг бепул келиб тушишига	300000	1040	8530	Шартнома, счёт-фактура
5	Эҳтиёт қисмларнинг таъсисчилар томонидан устав капиталига бадал сифатида киритилишига	600000	1040	4610	Шартнома, счёт-фактура
6	Йўловчи ташиш автотранспорти ҳайдовчилари томонидан йўл ҳақи эвазига сотиб олинган ва омборга кирим қилинган эҳтиёт қисмлар суммасига	50000	1040	9030	НКМ чеки, Квитанция
7	АТВ ҳайдовчилари томонидан берилган бўнак ҳисобидан сотиб олинган ва омборга кирим қилинган эҳтиёт қисмлар суммасига	30000	1040	4230	Квитанция, НКМ чеки, счёт-фактура
8	АТВ ҳайдовчилари томонидан ўз ҳисобидан сотиб олинган ва омборга топширилган эҳтиёт қисмлар суммасига	35000	1040	6990	Квитанция, НКМ чеки, счёт-фактура
9	Эҳтиёт қисмларни устахона, цехлар ва бошқа ёрдамчи хўжаликларга берилишига (ички алмашув)	1500000	1040	1040	Талабнома, лимит-забор варағи, наклодной
10	Эҳтиёт қисмларнинг зарур ҳолларда сотилишига: -сотиш қийматига (ҚҚСсиз) -ҚҚС суммасига -таннархига	400000 80000 400000	4010 4010 9220	9220 6410 1040	Шартнома, счёт-фактура
11	Эҳтиёт қисмларнинг бепул берилишига: -бериш қийматига (ҚҚСсиз) -ҚҚС суммасига -таннархига -зарар суммасига	400000 80000 400000 480000	4010 4010 9220 9430	9220 6410 1040 4010	Шартнома, счёт-фактура
12	Эҳтиёт қисмларнинг таъсис бадали сифатида киритилишига: -келишув қийматига (ҚҚСсиз) -ҚҚС суммасига -таннархига	400000 80000 400000	0600 0600 9220	9220 6410 1040	Шартнома, счёт-фактура

Автотранспорт корхоналарида айрим эҳтиёт қисмлар АТВларга ўрнатилганда бирданига эмас, балки бир маромда уларнинг фойдали хизмат муддати мобайнида ҳисобдан чиқариб борилади. Бу, чунончи, аккумуляторлар ва автошиналарга тегишлидир. Ушбу эҳтиёт қисмлар АТВларга ўрнатиш учун омбордан берилганда омбор мудири жавобгарлигидан соқит қилинади. Бир вақтнинг ўзида улар учун моддий жавобгарлик фойдали хизмат муддати тугагунча ҳайдовчилар зиммасига ўтказилади.

Бухгалтерияда АТВларга ўрнатилган янги аккумуляторлар ва автошиналар иш фаолиятини назорат қилиш мақсадида мос равишда «Аккумулятор иш фаолияти ҳисоби карточкаси» ва «Автошиналар иш фаолияти ҳисоби карточкаси» очилади. Ушбу карточкаларда янги аккумулятор ва автошиналарнинг маркаси, модели, кафолатли хизмат муддати меъёри, ўрнатилган АТВнинг давлат белгиси рақами, ҳайдовчининг фамилияси, исми-шарифи, уларни ўрнатиш санаси кўрсатилади. Шунингдек, унинг алоҳида устунларида ҳисобот даврлари бўйича аккумулятор ва автошиналар томонидан бажарилган иш (ташилган юк ҳажми, ишлаган ойлар сони, босиб ўтилган йўл), уларни ҳисобдан чиқариш санаси ва сабаблари акс эттирилади. Аккумуляторлар ва автошиналарнинг фойдали хизмат муддатини ўтаганда ва яроқсиз ҳолга келганда улар АТВдан ечиб олинади ҳамда омборга металлолом сифатида кирим қилинади. Бунда, мос равишда, уларга очилган ҳисоб карточкалари ҳам ёпилади.
Ўзбекистон Республикаси Вазирлар Маҳкамасининг 1999 йил 5 февралдаги 54-сон қарори билан тасдиқланган «Маҳсулот (иш, зизмат)ларни ишлаб чиқариш ва сотиш ҳаражатлари таркиби ҳамда молиявий натижаларни шакллантириш тартиби тўғрисида Низом» асосида Ўзбекистон Республикаси автомобиль ва дарё транспорти агентлиги томонидан ишлаб чиқилган шу номдаги тармоқ низомига мувофиқ АТВларга ўрнатилган янги аккумулятор ва автошиналар ҳисоби 3190 «Бошқа келгуси давр харажатлари» счётида юритилади. Чунончи, АТВларга ўрнатилган аккумуляторлар ва автошиналар қийматига «Ўрнатиш далолатномаси»га мувофиқ бухгалтерияда қуйидагича ёзув қилинади: