32- §. Qoqan xanlıǵınıń dúziliwi

Tashkent

2009-jılı 2200 jıllıǵı belgilengen Tashkent de Orta Aziyanıń áyyemgi qalalarınan biri. Ol hár túrli dáwir-

lerde Shash, Choch, Binkat sıyaqlı atlar menen atalıp kelgen. XI ásir- den baslap bolsa házirgi atı menen atala basladı.

Tashkent óz tariyxında hár túrli dáwirlerde elimizge bastırıp kirgen mámleketlerge ǵárezli dáwirlerdi bastan keshirgen. 1503-jılı bolsa Shay- baniyler mámleketi quramına kirgizildi. XVI ásirde qalada úlken qurı- lıs jumısları ámelge asırıldı. Atap aytqanda, Baraqxan, Kókaldash me- direseleri sıyaqlı arxitekturalıq estelikler qurıldı. 1723-jılı Tashkentti kóshpeli qalmaqlar iyelep alǵan. Qalmaqlar qaramaǵında 1758-jılǵa shekem bolǵan. XVII ásirdiń ekinshi yarımında Tashkentte tórt hákim- lik ornaǵan (Shayxantahur, Besaǵash, Kókshe hám Sebzar). 1784-jılı 4 hákimlik tamamlandı hám birden-bir Tashkent bekligi dúzildi. 1810-jılı Alımxan húkimdarlıǵı dáwirinde Qoqan xanlıǵı quramına qosıp alındı.

Tashkent xalıqaralıq sawda jolı kesispesinde jaylasqanı sebepli óner- mentshilik tarawları joqarı dárejede rawajlandı. Charsu — qala turmısı- nıń orayı edi.

1. 
   Xanlıqta jer iyeligi qatnasıqları haqqında nelerdi bilip aldıńız?
   
2. 
   Waqım áwlad túsinigi neni ańlatqan?
   
3. 
   Márdikar, chorikar, koranda túsiniklerine túsinik beriń.
   
4. 
   Salıq túrlerin jazıń.
   
5. 
   Rossiya-Qoqan, Qoqan-Qashqar sawda qatnasıqlarınıń rawajlanıp barǵanlıǵına mısallar keltiriń.
   
6. 
   Xanlıqtıń Tashkent hám Qoqan qalaları bir-biri menen salıstırıń hám juwmaqlarıńızdı dápterińizge jazıń.
   

2019-jıldan baslap Ózbekstan Respublikası salıq nızamshılı- ǵında puqaralar tóleytuǵın salıq sistemasında qanday ózgerisler ámelge asırılǵanlıǵın salıq tólewshi ata-anańız járdeminde anıqlap keliń.