35-мавзу. Фарзандлар таълимида мактаб ва репетиторнинг ўрни

42-мавзу. УЧИНЧИ РЕНЕСАНС АРАФАСИДА ИЧКИ ИШЛАР ОРГАНЛАРИ ХОДИМЛАРИНИНГ ДОЛЗАРБ ВАЗИФАЛАРИ

1. 
   Янги Ўзбекистонда юз бераётган барча ижтимоий-иқтисодий, маънавиймаърифий ўзгаришлар, бир томондан, инсонни ўзгартириш, ривожлантириш учун зарур шарт-шароитларни вужудга келтираётган бўлса, иккинчи томондан, қурилаётган одил жамият учун чуқур билимга эга, жисмонан соғлом, ахлоқан пок, маънавий етук инсонларга бўлган эҳтиёжни келтириб чиқармоқда.
   
2. 
   Шарқ Ренессансини бошлаб беришган, турфа фанларда оламшумул кашфиётлар яратган Беруний, тиббиётнинг қанчадан-қанча сир-асрорларини кашф этган Ибн Сино, юлдузлар тилсимотини очган Мирзо Улуғбекдек буюк боболаримизни аллақачон жаҳон илм аҳли эътироф этган.
   
3. 
   Давлатимиз раҳбари таъкидлаганидек, «Бугунги кунда кўп миллатли халқимиз Ватанимиз тараққиёти учун, Ўзбекистоннинг янги Уйғониш даврини яратиш йўлида белини маҳкам боғлаб, фидокорона меҳнат қилмоқда. Бу йўлда улкан орзу-умидлар, катта режалар билан сафимизга қўшилаётган ёшларимиз — асосий таянчимиз ва суянчимиздир»
   
4. 
   Учинчи Ренессанс пойдеворини яратиш борасида саъй-ҳаракатларнинг локомотиви сифатида таълим-тарбия, илм-фан, маърифатни ривожлантириш ғояси танлангани ушбу ташаббуснинг ғоят ҳаётий¬лигини таъминловчи энг муҳим омилдир.
   
5. 
   Ички ишлар вазирлиги тизимларида эл дарду ташвиши билан яшайдиган, халқ манфаатларини ҳимоя қилишга қодир халқпарвар кадрларни тайёрлаш устуворлик касб этмоқдаю
   
6. 
   Юқори касбий билим ва кўникмаларга эга, интеллектуал салоҳиятли ва жисмонан етук ёшларни тарбиялаш мақсадида вазирлик ихтисослаштирилган мактаб-интернати, 14 та академик лицей ва 1 та «Темурбеклар мактаби» фаолият юритмоқда.
   
7. 
   Ходимлар, энг аввало, ҳар томонлама билимдон, ўз касбини пухта эгаллаган, эл-юрт, Ватан манфаатлари йўлида сидқидилдан хизмат қилиши, унга садоқатли бўлиши, эъзозлаши, иқтисодий-сиёсий, ҳуқуқий билимларни доимий равишда, етарли даражада эгаллаб бориши, маънавий камолот сари интили¬ши, фуқароларнинг ғам-ташвишлари, қувонч¬ларида ҳамдард-ҳамкор, елкадош бўлиши, бир сўз билан айтганда, жамият ҳаёти¬нинг барча жабҳаларида фаол иштирок этиши, мамлакатнинг хавфсизлиги, осойишталиги, фаровонлигига ҳамиша камарбаста бўлишлари шарт.