370 Teri Kasalliklari

Zamburug‘li infeksiyalarning oldini olish:
Temiratki va boshqa zamburug‘li infeksiyalar yuqumlidir (oson 
tarqaladigan). Bitta boladan boshqalarga tarqalishining oldini olish uchun:
♦ Zamburug‘li infeksiyasi bor bola boshqa bolalar bilan uxlamasin.
♦ Bolalarning bitta taroqdan foydalanishi yoki bir-birlarining sochiq 
va kiyimlarini ishlatishlariga yo‘l qo‘ymang. Sochiq va kiyimlar 
yuvilganidan so‘ng ishlatilishi mumkin.
♦ Infeksiyalangan bolani tez davolang.
TANA VA BETDAGI OQ DOG‘LAR
 
Rangli har xil temiratki - yengil zamburug‘li 
infeksiya bo‘lib, odam ular bilan kasallanganda kichik 
qoramtir yoki ochroq tusli, notekis yoki aniq qirg’oqli 
dog‘lar paydo bo‘ladi. Ular ko‘pincha bo‘yin, ko‘krak va 
orqada bo‘ladi. Dog‘lar aksari, biroz po‘st tashlab tur-
adigan bo‘lishi mumkin, lekin ko‘pincha qichishmaydi.

---

Hammabop Tibbiyot Qo’llanmasi 2013
390
Davolash:
♦ Oltingugurt va quyuq o‘simlik yog‘i qo‘shilgan „Sernaya maz”-
ga o‘xshash krem suring (1 qism oltingururtga 10 qism o‘simlik yog‘i 
qo‘shing) va ushbu kremni dog‘lar yo‘qolib ketgunga qadar har kuni sur-
kab turing. Yoki zamburuqqa qarshi Klotrimazolga o‘xshash kremlardan 
ishlating(672-bet).
♦ Dog‘lar qayta paydo bo‘lishining oldini olish uchun ko‘pincha ush-
bu davolash usulini har 2 haftada qaytarishga to‘g‘ri keladi.
♦ Selen sulfi d (672-bet) ham yordam berishi mumkin. Qazg‘oqqa 
qarshi ba’zi shampunlar tarkibida ana shu modda bo‘ladi.
Shuningdek, oftobda ko‘p yuradigan qo-
ra-to‘ri bolalar yuzida paydo bo‘ladigan kichik 
oqish dog‘lar ham bor. Ularning qirg‘oqlari 
rangli temiratkidagidan farq qilib, bilinar-bilin-
mas bo‘ladi. Ushbu dog‘lar infeksiya emas va 
ularga ahamiyat bermang. Ular odatda bola 
katta bo‘lgan sari yo‘qolib ketadi. Maxsus davo 
usullarining keragi yo‘q.
Umumiy fi krga qarshi bo‘lsa ham aytaylik, ushbu oq dog‘lar badan-
da qurt yoki kamqonlik borligidan nishona emas. Quvvat beruvchi dori 
yoki vitaminlar yordam bermaydi.
Bolalar badanidagi tarqoq umumiy yoki ola-bula dog‘lar, qisman 
teri va soch rangi yo‘qolishining sababi ovqatga yolchimaslik bo‘lishi 
mumkin (kvashiorkor 226-bet, pellagra 392-bet). Agar bolaning oq dog‘lari 
bo‘lsa, og‘zining chetlari bichilsa va vazni ortmay qo‘ysa, siz unga ko‘proq 
oqsilga boy ovqatlar berishingiz kerak (11-bobga qarang).