4-маъруза Абсорбция. Абсорбция жараёнининг физик асослари. Абсорбциянинг моддий

Қарама - қарши йўналишли схема 8.1б-расмда кўрсатилган. 
Ушбу схемали абсорберларнинг бир учида абсорбтив концентрацияси юқори газ ва 
суюқлик тўқнашувда бўлса, иккинчи учида эса - концентрациялари паст фазалар ўзаро 
таъсирда бўлади. 
Қарама - қарши йўналишли схемаларда параллел йўналишлига қараганда, 
абсорбентдаги абсорбтив энг юқори қийматига эришса бўлади. Лекин, жараённинг ўртача
ҳаракатга келтирувчи кучи параллел йўналишлига нисбатан кам бўлгани учун, қарама - 
қарши йўналишли абсорбернинг габарит ўлчамлари катта бўлади. 
Абсорбент ёки газ фазанинг рециркуляцияли схемалари (8.1в,г - расм). Бундай 
схемаларда абсорбент кўп марта ўтади.
Абсорберлар конструкциялари 
Абсорбция жараёни фазаларни ажратувчи юзада содир бўлади. Шунинг учун ҳам,
суюқлик ва газ фазалар тўқнашув қиладиган абсорберлар юзаси иложи борича катта
бўлиши керак. Масса алмашиниш юзаларини ташкил этиш ва лойиҳалаш бўйича 
абсорберлар 4 гуруҳга бўлинади: сиртий ва юпқа қатламли абсорберлар; насадкали 
абсорберлар; барботажли абсорберлар; пурковчи абсорберлар. 
Сиртий абсорберларда ҳаракатланаётган суюқлик устига газ узатилади. Бундай
қурилмаларда суюқлик тезлиги жуда кичик ва тўқнашув юзаси кам бўлган учун бир нечта 
қурилма кетма - кет қилиб ўрнатилади. 
Суюқлик ва газ қарама - қарши йўналишда ҳаракатлантирилади. 8.2 - расмда 
горизонтал трубалардан таркиб топган ювилиб турувчи абсорбер тасвирланган. Трубалар 
ичида - суюқлик оқиб ўтса, унга тескари йўналишда газ ҳаракат қилади. Трубалар ичидаги 
суюқлик сатҳи остона 3 ёрдамида бир хил баландликда ушлаб турилади. 
Абсорбция жараёнида ҳосил бўлаётган иссиқликни ажратиб олиш учун трубалар 
тақсимлаш мосламаси 2 дан оқиб тушаётган сув билан ювилиб туради. Совутувчи сувни
бир меъёрда тақсимлаш учун тишли тақсимлагич 1 қўлланилади. Бу турдаги абсорберлар 
яхши эрийдиган газларни ютиш учун ишлатилади.