Darsga yakun yasash va o‘quvchilarni baholash.
O‘rganilganlar yuzasidan savol-javob o‘tkaziladi.
Bugungi darsimizda nimalarni bilib oldingiz?
Qo‘zichoq to‘g‘ri ish qildimi?
Dars xulosalanib, faol qatnashgan o‘quvchilar baholanadi.
Uyga vazifa. “Qo‘zichoq” masalini ifodali o‘qish.
Mavzu: “Boychechak” (She’r).
Darsning maqsadi:
Ta’limiy: o‘quvchilarga xalq qo‘shiqlari haqida tushuncha berish, ular orasidan bolalarning o‘yin-qo‘shiqlarini ajrata olishni, she’r mazmunini chuqur tahlil qilib, she’rni ifodali o‘qishga va ma’nodosh so‘zlarni topishga o‘rgatish.
TK 2: mavzu doirasida ko‘rsatilgan multimedia ilovalariga ongli munosabat bildirish.
FK 1: she’rni yoddan aytib bera olish.
Tarbiyaviy: o‘quvchilarda vatanimiz tabiati in’omlariga muhabbat, xalqimizning madaniy merosiga bo‘lgan hurmat tuyg‘usini tarbiyalash.
Rivojlantiruvchi: o‘quvchilarning so‘zlar ma’nolarini izohlay olish, savollarga to‘liq javob berish malakalarini shakllantirish, lug‘at boyligi- ni oshirish.
FK 2: she’r mazmunidan ta’sirlana olish.
Dars turi: yangi tushuncha va bilimlarni shakllantiruvchi.
Dars metodlari: suhbat, tushuntirish, “Bu meniki”, “Ma’nodosh so‘zni top”, “Sehrli sandiqcha” mashqlari.
Dars jihozlari: gullar tasvirlangan rasmlar, so‘z va gaplar yozilgan tarqatmalar, sandiqcha maketi, multimedia ilovalari.
Darsning borishi:
Tashkiliy qism. Salomlashish. Davomatni aniqlash.
Uy vazifasini so‘rash va o‘tilgan mavzuni mustahkamlash.
O‘quvchilarning “Ma’naviyat – qalb quyoshi” bo‘limidagi she’r va hikoyalar asosida “Inson odobi bilan go‘zal” mavzusida yo- zib kelgan insholari tekshiriladi. Ayrim insholarni o‘qib beradilar. O‘quvchilar o‘tilgan mavzular yuzasidan bir-birlariga savollar beri- shadi.
Do'stlaringiz bilan baham: |
