4-tema: Dún`ya xalqı geografiyası

Ayrım kontinent, materikler hám regionlar boyınsha xalıqtıń ortasha tig`izlig`i
6-keste

Regionlar	1950	1990	1995	1999	2025
Pútkil dúniya sol qatarda	19,4	40,3	43,8	46,0	63,8
Evropa	74,4	97,0	101,9	102,5	103,5
Aziya	45,1	100,7	111,3	116,3	159,3
Afrika	7,6	21,8	24,3	27,5	51,0
Arqa Amerika	11,0	21,4	22,8	23,8	31,0
Qubla Amerika	6,4	17,1	18,3	19,6	26,4
Avstraliya hám Okeaniya	1,5	3,1	3,3	3,7	4,6

Xalıq ádewir tıg`ız jaylasqan regionlar qatarına Qubla, Qubla-Shıg`ıs hám Shıg`ıs Aziya, Evropa hám de AQSHtıń arqa-shıg`ıs bólegi, “Bosvash” megopolisi kiredi. Dáslepki úsh regionda xalıq a`yyemnen jaylasqan bolıp, ol házirgi waqıtta júdá joqarı dárejedegi xalıq tıg`ızlıg`ına iye. Bunday jag`day eñ aldı menen bul jerde miynetti kóp talap qılıwshı salıshılıqtıń qádimnen bar ekenligi, qalg`anlarda bolsa XVIII-XIX ásirlerde júz bergen sanaat krizisi hám de onnan keyingi dáwirde ámelge asqan industirlastırıw protsessi menen úzliksiz baylanısqan.

Insanlardıń qádimnen okean hám teńiz boylarında jaylasıwg`a intiliwide zárúr faktorlarınan biri. Házirgi waqıtta teńiz hám okeanlardan qurıqlıqqa qaray 200 km ge sozılg`an jer júzi bóliminde insaniyattıń yarımınan ziyat bólimi 50 km keńlikke iye bolg`an qurıqlıq bóliminde bolsa dúniya xalqınıń diyerli 30%ti toplang`an. Dúniya boyınsha xalıq júdá tıg`ız jaylasqan aymaqlar qatarına tómendegiler kiredi: Rur, Elzas hám Lotaringiya hám de Parij hám London rayonları, Arqa Italiya, Moskva rayonı, Donbass, Ferg`ana oypatlig`i, Shıg`ıs Qıtay, Hind-Gang tegisligi, Yava aralı, Yaponiya aralları, Nil deltası, AQSHtıń Arqa-Shıg`ıs, Ullı kóller rayonları hám Sansan megopolisi.