44-mavzu bugungi g еosiyosat va o‘zbеkiston hozirgi kunda butun dunyoda tinchlik, xavfsizlik va barqarorlikni ta’minlash, millatlararo hamjihatlik va hamkorlikni mustahkamlash muhim ahamiyat kasb etmoqda

O‘tgan 
qisqa 
davrda 
xalqaro 
hamjamiyatda 
mamlakatimizning nufuzi va obro‘yi oshib, hamkorlarimiz 
ko‘payishi va bu jarayon kengayishiga sabab bo‘lmoqda. 
Mutaxassislarning fikricha, so‘nggi yillarda O‘zbekiston BMT Bosh 
Assambleyasi va ixtisoslashtirilgan tashkilotlari ishida faol ishtirok 
etmoqda. O‘zbekiston rahbari BMT Bosh Assambleyasining 72, 75, 
76 va 78-sessiyalarida, shuningdek, BMTning Inson huquqlari 
bo‘yicha kengashi 46-sessiyasining Oliy darajadagi segmentida 
ma’ruzalar qildi.  
O‘zbekiston bugungi kunda bir qator xalqaro tashkilotlararo minta-
qalarda xavfsizlik va barqarorlikni ta’minlashda amaliy hissasini qo‘shib 
kelmoqda. BMT, SHHT, Turkiy davlatlar tashkiloti, Markaziy Osiyo davlat 
rahbarlari Maslahat kengashi, Islom hamkorlik tashkiloti, «Markaziy Osiyo – 
AQSH» (S5+1) kabi tashkilot va platformalar orqali xalqaro munosabatlar 
tizimida hamkorlikni yanada mustahkamlash va barqarorlikni ta’minlash 
doirasida qator tashabbuslarni ilgari surmoqda. Jumladan, Prezidentimiz 
tashabbus qilgan 6 ta rezolyutsiya BMT Bosh Assambleyasi tomonidan qabul 
qilinib amaliyotga kiritildi.

---

https://t.me/manaviyat_va_marifat_darsi
2017-yil 19-sentabr kuni Bosh Assambleyaning 72-sessiyasi doirasida 
O‘zbekiston rahbari tashabbus qilgan «Ma’rifat va diniy bag‘rikenglik» 
rezolyutsiyasiga dunyoning 50 ta davlati o‘z hammuallifligini e’lon qilgan va 
2018-yil 12-dekabr kuni ushbu rezolyutsiya Bosh Assambleya tomonidan qabul 
qilindi. Bundan tashqari, «Markaziy Osiyoda barqaror turizm va barqaror 
rivojlanish to‘g‘risida» (2019-yil dekabr), «Orolbo‘yi mintaqasini ekologik 
innovatsiyalar va texnologiyalar hududi deb e’lon qilish to‘g‘risida» (2021-yil 
may), «Markaziy va Janubiy Osiyo o‘rtasidagi o‘zaro bog‘liqlikni 
mustahkamlash bo‘yicha maxsus rezolyutsiya» (2022-yil iyul), «Barqaror 
rivojlanish maqsadlariga erishishni jadallashtirishda parlamentlar rolini 
kuchaytirish to‘g‘risida»gi (2022-yil dekabr) rezolyutsiyalar qabul qilinib, 
bugungi kunda turli mintaqalarda xavfsizlik va barqarorlikni ta’minlashga 
xizmat qilmoqda.
Shuningdek, O‘zbekiston rahbari tashabbus qilgan va Bosh Assambleya 
76-sessiyasining rasmiy hujjati sifatida tarqatilgan «Pandemiya davridagi 
davlatlarning ixtiyoriy majburiyatlari to‘g‘risida»gi kodeks ham xalqaro 
hamkorlik va hamjihatlikni yanada mustahkamlashga xizmat qiluvchi muhim 
hujjat sifatida qabul qilindi.
Prezidentimiz BMT Bosh Assambleyasining 78-sessiyasi doirasida ham 
dunyoning global muammolariga birgalikda qarshi kurashish, xavfsizlik va 
barqarorlikni birgalikda ta’minlash borasida yanada muhim tashabbuslarni 
ilgari surdi. Bugun dunyoda insoniyat iqlim o‘zgarishiga oid uch yirik muam-
moga duch kelayotganligi sanab o‘tilib, dunyo davlatlariga iqlimning isishi, 
atrof bioxilma-xillikning kamayishi va atrof-muhit ifloslanish darajasining 
oshib borishi keskin muammolarni tug‘dirayotganligini ta’kidlab o‘tgan edi. Bu 
muammolarga qarshi birgalikda kurashish va yechim izlash borasida kelasi yil 
Samarqandda Markaziy Osiyodagi iqlim o‘zgarishlariga bag‘ishlangan xalqaro 
forum o‘tkazilishi qayd etib o‘tilgan edi. Ushbu forum yakunlari bo‘yicha BMT 
Bosh Assambleyasining «Markaziy Osiyo global iqlim tahdidlari qarshisida: 
umumiy farovonlik yo‘lida hamjihatlik» deb nomlangan rezolyutsiya loyihasi 
tayyorlanishi aytilgan edi. Bu forum ham bugun mintaqada keskin muammoga 
aylangan suv resurslarining kamayib borishi, transchegaraviy daryolardan 
foydalanishda yangi subyektlar paydo bo‘layotganligi, iqlim isish jarayonlari 
tezlashayotganligi va atrof-muhit muhofazasi borasida o‘ziga hos yechimlar 
topishga qaratilgan bo‘ladi.