5 – Leksiya. Absorbciya prosessinin’ teoriyaliq tiykarlari ha’m texnologiуаliq esaрlari

6. Absorbciya bóliminde miynetti qorǵaw hám texnika qáwipsizligi
Bólimde jumıs islew ushın isshi kórsetpeler hám qáwipsizlik texnikası boyınsha bilimleri tekserip kórilgennen keyin ruxsat etiledi. Bunday tekseriw cex jurnalında sáykes protokol menen dizimge alınadı.
Absorbciya bóliminde avariyalıq toqtawlarda, úskenelerdiń hám truboprovodlardıń germetikligi buzılǵanda h.t.b. hawanıń ammiak penen pataslanıwı júz beriwi múmkin. Ammiak júdá záhárli. Onıń hawadaǵı muǵdarı 20 mg/m³ jetkende ólim menen juwmaqlanıwshı dem qısılıwına alıp keledi. Onsha qáwipli bolmaǵan koncentraciyalarda, onıń iyisin seziw hám kózge tásiri boyınsha seziw jeńil bolǵanlıqtan, ammiakten záhárleniw qáwpi keskin kemeyedi. Soda zavodlarında is júzinde tek avariyalıq halatlarda protivogazler qollanıladı. Jumısshılar protivogazden paydalanıw qaǵıydaların biliwi tiyis. Titrlew stolınıń arnawlı qutıshasında barqulla ekewden kem bolmaǵan protivogaz saqlanıwı tiyis.
Absorbciya bólimindegi úskenelerdegi vakuumnıń páseyip ketiwiniń hám usınıń nátiyjesinde cex bólmelerine ammiaktiń shıǵıp ketiwiniń aldın alıw ushın, úskenelerge sherebe úzliksiz berip turıw hám gazdi kerekli temperaturalarǵa shekem suwıtıw zárúr. Absorbciya bólimindegi vakuum-nasoslar toqtawsız islewi tiyis. Sonlıqtan rezervte vacuum-nasoslar bolıwı kerek.
Úskenelerden suyıqlıq hám gazlerdiń shıǵıp ketiwiniń aldın alıw ushın, úskenedegi barlıq lyukler, sańlaqlar hám flanecli biriktirgishler muqıyatlap tıǵızlanıwı zárúr. Artıqsha basımda islewshi, kolonna gazleriniń ekinshi juwǵıshın-daǵı lyukler hám sańlaqlarınıń tıǵızlıǵına ayrıqsha dıqqat awdarıw talap etiledi.
Úskeneler hám gazoxodlardıń jıllılıǵınıń nurlanıwı sebebinen absorbciya bóli-mi jazdın kúnleri hádden tıs ıssı bolıwı múmkin. Sonlıqtan, sonday-aq tosattan ammiaktiń shıǵıp ketiw múmkinshiligine baylanıslı absorbciya cexı jaqsı ventilyaciyaǵa hám jeńil ashılıwshı terezelerge iye bolıwı tiyis.


Qadaǵalaw sorawları
1. Soda óndirisinde ammiak ne ushın kerek?
2. Ammiaktiń sherebedegi eriwsheńligi nege baylanıslı?
3. Sherebeni ammoniylestirgende koncentraciyası ózgereme?
4. Ammonizaciya processinde ne ushın sherebe suwıtıladı?
5. Distillyaciya gazlerin ne ushın 55 ºC tan tómen suwıtıw múmkin emes?
6. Ammoniylestirilgen sherebe alıwda qanday rol oynaydı?
7. Ne ushın ammoniylestiriwde sherebe qızdırıladı?
8. Ammoniylestiriw bóliminiń úlgi texnologiyalıq sxemasın sızıń hám túsindirip beriń?
9. Ishki suwıtqıshlı ekinshi absorberdiń ústinligi hám kemshilikleri qanday?
10. Skrubberli túrdegi úskeneler qalay qurılǵan?
11. Distillyaciya gazleriniń suwıtqıshları hám suwǵarılıwshı suwıtqıshtıń dúzilisi qanday?
12. Absorbciya bólimi úskeneleriniń texnologiyalıq rejiminiń úlgi normaları qanday?
13. Ne ushın AB-2 den keyingi suyıqlıqtıń quramındaǵı hám PGAB tan keyingi gazdegi niń koncentraciyasınıń normaları reglamentke salınǵan?
14. Ammoniylestirilgen sherebe jıynaw ıdısındaǵı sherebe qáddi ne ushın ólshenedi? Ol nege baylanıslı hám onı qalay tártiplestiredi?
15. Absorbciya bóliminiń jumısın avtomat tárizde tártiplestiriw tiykarına qanday kórsetkish jatadı hám ne ushın?
16. Ammoniylestirilgen sherebeniń quramında 105 n.ú. hám 35 n.ú. bar. Bul eritpeniń ústindegi ammiaktiń 60, 65 hám 70 ºC temperaturalardaǵı basımın esaplań?
17. Usı eritpenıń ústindegi, usı temperaturalardaǵı ammiaktiń basımı bolmaǵanda qanday boladı?
18. 1 l sherebede 85 g ammiakti eritkende ajıralıp shıǵıwshı jıllılıq muǵdarın esaplań hám eger sherebeniń dáslepki temperaturası 20 ºC bolǵan bolsa, onıń aqırǵı temperaturasın esaplań?
19. 1 t soda ushın koncentraciyası 310 g/l bolǵan 5,1 m³ sherebe sarplanadı. AB-2 den shıǵıwshı ammoniylestirilgen sherebeniń kólemin esaplań, eger ondaǵı koncentraciyası 90 n.ú. bolsa.