5-боб. Банк операциялари ҳисобини автоматлаштириш (2 соат)

Назорат ва мулоҳаза учун саволлар

1. 
   Банк операциялари қайси меъёрий ҳужжат билан тартибга солинади?
   
2. 
   Нақд пулсиз операциялар деганда нима тушунасиз?
   
3. 
   Тўлов топшириқномаси ва тўлов талабномаси ўртасидаги фарқ нимадан иборат?
   
4. 
   Банк кўчирмаси деганда нимани тушунасиз?
   

6-БОБ. Касса операциялари ҳисобини автоматлаштириш (2 соат)

1. 
   Касса кирим ва чиқим ордери.
   
2. 
   Касса китоби ва касса ҳисоботи.
   

6.3. Пул ҳужжатлари.
6.4. Аванс ҳисоботи.


Бобга доир норматив-ҳуқуқий ҳужжатлар:

№	Ҳужжатнинг номи	Қабул қилинган сана	Адлия вазирлигида рўйхатга олинган сана ва рақам
1	Юридик шахслар томонидан касса операцияларни юритиш қоидалари		22.06.2015 й., 2687-сон
2	Ўзбекистон Республикаси ҳудудида хизмат сафарлари тўғрисида йўриқнома		29.08.2003 й., 1268-сон

6.1Касса кирим ва чиқим ордери.

Нақд пул маблағларининг ташкилот кассасига келиб тушишини рўйхатга олиш учун Касса менюсидаги Приходный кассовый ордер ҳужжати мўлжалланган.

Ҳужжат орқали қуйидаги хўжалик операциялари турлари акс эттирилади.

• 
  Харидордан тўлов;
  
• 
  Чакана савдо тушумини қабул қилиш;
  
• 
  Ҳисобдор шахс томонидан пул маблағларининг қайтарилиши;
  
• 
  Ишчи томонидан пул маблағларининг қайтарилиши;
  
• 
  Таъминотчи томонидан пул маблағларининг қайтарилиши;
  
• 
  Банкдан нақд пул маблағларини олиш;
  
• 
  Контрагентлар билан кредит ва қарзлар бўйича ҳисоб-китоблар;
  
• 
  Пул маблағларининг бошқа киримлари;
  

Операция тури Операция реквизитида белгиланади.

Нақд пулларнинг харидордан келиб тушишида Оплата от покупателя операцияси танланади. Договор реквизитида С покупателем, С комиссионером ёки С комитетом турдаги шартнома танланади. Қарзларни узиш тартибини Вид взаиморасчетов реквизитида кўрсатиш мумкин. Андоза бўйича шартнома ҳисоб-китоблари ҳолати ҳужжатни ўтказишда автоматик равишда белгиланади, келиб тушган сумма аванс ва тўловга ажратилади.