5-mavzu: Ta’lim jarayonida o‘yin texnologiyalarini qo‘llash. Reja

5-mavzu: Ta’lim jarayonida o‘yin texnologiyalarini qo‘llash.
Reja:
1. O‘yin tushunchasi. O‘yin shaxsning ruhiy rivojlanishini belgilovchi yetakchi faoliyat turi sifatida. O‘yin texnologiyalari. Pedagogik o‘yinlarning asosiy belgilari.
4. G.K.Selevkoning pedagogik o‘yinlar tipologiyasi. Didaktik o‘yinlar. Syujetli o‘yinlar. Rolli o‘yinlar. Ishbilarmonlik o‘yinlari. Imitasion o‘yinlar. Dramatik o‘yinlar (psixologik va ijtimoiy).


Tayanch so‘z va iboralar: texnolog, metodist, strategiya, grafik organayzer, didaktik o‘yinlar, syujetli o‘yinlar, rolli o‘yinlar, ishbilarmonlik o‘yinlari, imitasion o‘yinlar, dramatik o‘yinlar (psixologik va ijtimoiy dramalar), “Keys-stadi”, keys, keys sinfi, keys turi, keys janri, o‘quv keysi, keysning pedagogik pasporti, keys tipologiyasi, o‘qituvchi faoliyati, talaba faoliyati, keys metodi


Ta’lim jarayonida o‘yin texnologiyalarini qo‘llash.
Pedagogik o‘yinlar tipologiyasi
“Bugungi kunda biz nega ba’zi ta’lim oluvchilarning o‘quv ishlariga bo‘lgan ishtiyoqi pasayib borayotganini bilishimiz kerak va buni amalga oshirish jarayonida barcha o‘qishga qiziqishi kam talabalarni bir xil sabab va muolaja soyaboni ostida birlashtirishni rad etishimiz kerak”¹- deydi amerikalik pedagog A.Muur.
Zamonaviy sharoitda talabalarning o‘quv-bilish faolliklarini kuchaytirish, o‘qitish sifatini oshirish va samaradorligini yaxshilash maqsadida innovasion xarakterga ega ta’lim shakllaridan foydalanish maqsadga muvofiqdir. Bugungi kunda amaliy o‘yinlar, muammoli o‘qitish, interfaol ta’lim, modul-kredit tizimi, masofali o‘qitish, blended learning (aralash o‘qitish) va mahorat darslari ta’limning innovasion shakllari sifatida e’tirof etilmoqda.
Ayni o‘rinda ta’limda innovasion xarakterga ega pedagogik o‘yinlar to‘g‘risida so‘z yuritiladi.
I. Amaliy o‘yinlar. Dastlab “o‘yin” tushunchasining mohiyatini anglab olish talab etiladi.



Ўйин – кишилик фаолиятининг муҳим тури ҳамда ижтимоий муносабатлар мазмунининг болалар томонидан имитациялаш (кўчириш, тақлид қилиш) асосида ўзлаштириш шакли саналади

Zamonaviy sharoitda ta’lim amaliyotida amaliy-innovasion xarakterga ega o‘yinlardan samarali foydalanilmoqda.