5-modul. Ashıq anǵarlarda suyıqlıq aǵımınıń tegis háreketi 16-lekciya. Ashıq anǵarlarda suyıqlıq aǵımınıń tegis háreketi Joba

Tayanısh sózler: gidravlikalıq sekiriw oblastınan aldıńǵı tereńlik, gidravlikalıq sekiriw oblastınan keyingi tereńlik, kritikalıq tereńlik, gidravlikalıq sekiriw biyikligi, sekiriw uzınlıǵı, tutas tereńlikler, jetilisken gidravlikalıq sekiriw, jetilispegen gidravlikalıq sekiriw, gidravlikalıq sekiriwdiń tiykarǵı teńlemesi.


Qadaǵalaw sorawları:

1. Gidravlikalıq sekiriw qanday sharayatlarda baqlanadı?

2. Gidravlikalıq sekiriwdiń tiykarǵı belgilerin esleń.
3. Ózara baylanısqan tereńlikler degenimiz ne?
4. Gidravlikalıq sekiriwdi esaplawǵa tiyisli máselelerdi sheshiwde qanday elementlerdi esaplaw talap etiledi?
5. Ózara baylanısqan h₁ hám h₂ tereńlikler qalay anıqlanadı?
6. Gidravlikalıq sekiriw biyikligi qalay anıqlanadı?
7. Prizmatikalıq gorizontal ańǵar ushın gidravlikalıq sekiriwdiń tiykarǵı teńlemesi qanday kóriniske iye?

29-lekciya. Tutastırıw qurılısları hám olardıń esabı
Joba:
29.1.Tutastırıw qurılısları hám olardıń esabı
29.2. Gidrotexnikalıq qurılmalarda beflerdi tutastırıw jaǵdayları
29.3. Quwılǵan gidravlikalıq sekiriw uzınlıǵın anıqlaw hám tómengi befte ulıwma bekkemlenetuǵın uzınlıqtı tabıw


29.1. Tutastırıw qurılısları hám olardıń esabı

Gidravlikalıq sekiriwdi úyreniw nátiyjeleri gidrotexnikalıq qurılıslar beflerin esaplawda keń qollanıladı. Sonıń ishinde tómengi bef ushın orınlanatuǵın esaplawlar gidrotexnikalıq qurılıslardı gidravlikalıq esaplawlardıń tiykarǵı bólegi bolıp tabıladı.

Tómengi beflerdi esaplawda tómendegi máseleler sheshiledi:
1) suyıqlıq aǵımınıń forması;
2) tómengi beftegi suw qáddilerin anıqlaw;
3) energiyanı sóndiriw ushın kerek bolatuǵın sóndirgishler sanı hám olardıń
ólshemlerin anıqlaw.
Joqarıda aytılǵan máseleler arnawlı kurslarda keńirek úyreniledi. Biz bolsa usı máselelerdi gidromelioratsiyada kóp ushırasatuǵın taslamalar, bosaǵalar, nawalar hám tezaǵarlar ushın qaraymız.
Befler tutasıwın esaplawda:
a) h_c qısılǵan tereńlikti; b) h¹¹ ekinshi qısılǵan tereńlik benen tutasqan tereńlikti anıqlaw talap etiledi.
Bunnan basqa, uzaqlasqan gidravlikalıq sekiriw júz bergen jaǵdayda sekiriwdiń uzaqlasqan qashıqlıǵı anıqlanadı.
Befler tutasıwın esaplawdıń úsh túrli usılı bar: analitikalıq, grafikler járdeminde hám shama mene (ápiwayılastırılǵan).