5A610301 Туризм (фаолият турлари бўйича) Тузувчи: Ҳ. Р. Ҳамроев-Бухду “Туризм” кафедраси мудири, и ф. д., доцент

1. УМУМИЙ ТАЛАБЛАР
Илмий-тадқиқотчилик ва педагогик компетентлик:

• 
  мутахассислик ва профессионал компетентлик, услубий компетентлик, ахборот компетентлиги, интеллектуал-педагогик компетентлик; илмий ва илмий-техник соҳаларда дастурий ҳужжатларни ишлаб чиқиш механизмлари, уларни ишлаб чиқиш ҳамда амалга ошириш; замонавий ахборот-телекоммуникация ва илмий-ҳажмдор технологияларини ривожлантириш ҳамда уларни илмий, илмий-техник фаолият ва ўқув жараёнига татбиқ қилиш;
  
• 
  ўз билимларини кўрсата билиш ва бошқаларга бера олиш қобилияти;
  
• 
  Мутахассислик бўйича жаҳонда миқёсида тараққиёт тенденциялари, тадқиқотнинг долзарблиги, муаммонинг ўрганилганлик ва замонавий билим даражаси, ўз тадқиқотларининг муайян фан соҳасидаги роли ва ўрни;
  
• 
  Мутахассислик бўйича фундаментал ва амалий билимларга эгалиги, замонавий тадқиқот методларини билиши;
  
• 
  илмий муаммони қўя олиши ва ҳал этиши, тадқиқот мақсадларини шакллантириши ва кутилаётган натижаларни илмий асослаши;
  

илмий мунозара олиб бориш қобилияти, дунёқараш кенглиги, мантиқий фикрлаш, билимининг серқирралиги маънавий-ахлоқий қадриятлар:
- миллий мустақиллик мафкураси асослари, миллий ва умуминсоний қадриятлар, юксак маънавиятли шахсни тарбиялаш, ўзбек халқининг бой мероси, аҳлоқий камолот, аҳлоқий тамойиллар, ватанпарварлик ва фуқаролик онги, умумий маданият, ижтимоий фаоллик, олим психологияси ва этикаси ва бошқалар.
Илмий-тадқиқот ва илмий-педагогик фаолият олиб боришнинг ҳуқуқий-меъёрий асослари:

• 
  Ўзбекистон Республикасининг фан ва технологияларни ривожлантириш соҳасидаги сиёсатининг асослари, уларни амалга оширишнинг мақсади, вазифалари ва йўллари, шунингдек, илмий ва илмий-техник фаолиятни рағбатлантирувчи иқтисодий ва бошқа чоралар тизими, фан ва технология тараққиётининг устувор йўналишлари;
  
• 
  инновацияларга бўлган талабларни оширишнинг, фундаментал фаннинг илдамловчи тараққиётини таъминлашнинг, энг муҳим амалий тадқиқотлар ва ишланмаларнинг ташкилий ва иқтисодий механизмлари;
  

- фан ва технологияларнинг устувор йўналишларини амалга оширишда илмий, илмий-техник ва инновацион фаолиятни бевосита ва билвосита рағбатлантириш чоралари, бозор механизмларини давлат томонидан тартибга солиниши билан оқилона уйғунлаштириш, олий таълим тизимида илмий-тадқиқот фаолиятни такомиллаштириш;
- олий малакали илмий ва илмий-педагог кадрларни тайёрлаш тизими.