6-ma’ruza. Sanoat portlovchi moddalarini sinash usullari

Olov o’tkazuvchi shnurni sinash. 
Olov o’tkazuvchi pilik ham tashqi ko’zdan kechiriladi. Bunda bitta yashik 
ichidagi barcha buxtalar tekshirib ko’riladi. Agar ko’zdan kechirishda kamchiliklar 
aniqlansa olov o’tkazuvchi (pilik) shnur partiyasi yaroqsiz deb topiladi. Kamchilik 
aniqlangan buxtalar yondirib yo’q qilinadi. Tashqi ko’zdan kechirib bo’lingan 
buxtalarning yaroqli deb topilgan qismidan 2% i tanlab olinadi va boshqa xossalari 
tekshirib ko’riladi. 
Olov o’tkazuvchi pilikni to’liq yonishini tekshirish uchun olov o’tkazuvchi 
shnurdan 5 sm bo’lakcha qirqib olinadi va yondiriladi. Bunda bo’lak to’liq yonishi 
kerak. Olov o’tkazuvchi pilik yonish tezligini tekshirish uchun har bir buxtadan 60 
sm dan bo’lakcha qirqib olinadi va yonish tezligi sekundomer yordamida 
o’lchanadi. Bunda 60 sm uzunlikdagi bo’lak yonish vaqti davomiyligi 60 sek dan 
70 sek oraliqda bo’lishi lozim. Agar birortasida farq kuzatilsa tekshirish ishlari 2 
marta olib boriladi. 
Olov o’tkazuvchi pilikni suvga chidamlilikka tekshirish. Buning olov 
o’tkazuvchi shnur 1m chuqurlikdagi suvga botirib qo’yiladi. Suvda saqlash vaqti 
davomiyligi OШA markali olov o’tkazuvchi shnur uchun 1 soat ushlab turiladi, 
OШДA va OШП markali olov o’tkazuvchi pilik uchun 4 soat ushlab turiladi.