6-mavzu: Tasvirlarning turlari. Tasvirlarni saqlashni tashkil etish

To`rli model
Pikselli va vektorli modellar ikki o`lchamli tasvirlarni kompyuterda saqlashga mo`ljallangan va kompyuter grafikasi bilan shug`ullanuvchilar ularning biri yoki ularning kombinatsiyalari usullaridan foydalanib ikki o`lchamli grafika yaratishgan. Odatda bu usullar ko`pgina tasvirlarni ifodalashda yetarli bo`lmay qoladi. Ana shu hollarda turli modellarning usullari ishlatiladi. Masalan, sahna rakurslarini tasvirlashda, bitta sahnada har xil ob’ektlarni tasvirlashda to`rli modellar ishlatiladi. Ammo to`rli model tasvirni emas, balki uch o`lchamli geometrik ob’ektlarni saqlashga mo`ljallangan. to`rli modelning asosiy tarkibiy birligi, uchburchakli qirralar, balandliklar, qirralar hisoblanadi. Agar, to`rning ikkita va undan ortiq uchburchaklari bitta tekislikda yotsalar, ular ko`pburchak yoki poligonlarni tashkil etishadi. Har bir uchburchakli qirrada uchta balandligi va ularni birlashtiruvchi yana uchta qirrasi bor. Shunday qilib, to`rli modelning asosiy struktura birligi sifatida qirra balandliklari ishlatiladi. Uch o`lchamli fazoning fundamental xususiyatlaridan kelib chiqib istalgan uch o`lchamli sirtni oldindan berilgan uchburchakli qirralarga ega to`rlar bilan berish mumkin.
To`rli modelning afzalliklari

1. 
   To`rli model tasvirga emas, balki ob’ekt formasiga mos keladi va ular o`zlarida istalgan ikki o`lchamli modellarga qaraganda ko`proq axborotlarni saqlaydi (shu sababli shu nuqtai nazardan uch o`lchamli grafika tasvirni emas, balki ko`prok skulpturani ifodalaydi).
   
2. 
   To`rli model perspektiva ilyuziyalarini yasash masalalarini avtomatik yechish imkoniyatini yaratadi.
   
3. 
   To`rli model minimal harajatlar bilan modellashtirilgan sahnani istalgan rakurs bilan tasvirlashni ta’minlaydi.
   
4. 
   To`rli model animatsiyalarni ifodalashda juda qo`l keladi.
   

To`rli modelning kamchiliklari

1. 
   To`rli modelning baddiy imkoniyatlari pikselli va vektorli modellarnikiga qaraganda kamroqdir.
   
2. 
   Murakkab modellarni yaratishda qirralar soni nihoyatda tez ko`paya boradi, bu esa juda katta hisoblashlarni amalga oshirishga olib keladi.