6 tema: biologiya oqíTÍwshíSÍ paydalanilatuǵin lokal texnologiyalardiń Ózine tán qásiyetleri. Reje

№6 TEMA: BIOLOGIYA OQÍTÍWSHÍSÍ PAYDALANILATUǴIN LOKAL TEXNOLOGIYALARDIŃ ÓZINE TÁN QÁSIYETLERI.


Reje:

1. 
   Lokal texnologiyalar haqqında túsinik.Lokal texnologiyalardıń quramı hám sıpatlama.
   
2. 
   Biologiya sabaqlarında lokal texnologiyalardan paydalanıw jolları.
   
3. 
   

Tayanısh túsinikler: Lokal dárejedegi pedagogikaliq texnologiyalar, “Keys”, “Insert”, «Klaster”, Venn diagrammasi, «Aqliy hújim, «Kishi toparlarda islew», «Atamalar shinjiri», «Atamalar betleri», jedel oyinlar hám oyin misallar.

1. 
   Lokal texnologiyalar haqqında túsinik. Lokal texnologiyalardıń quramı hám sıpatlama.
   

Biologiyanı úyreniwde oqıwshılardıń biliw iskerligin aktivlestiriw ushın sabaqtıń oqıwshılardıń ótilgen tema barısınan ózlestirgen bilim, kónlikpe hám tájiriybelerin anıqlaw, olardı dizimlestiriw, taza tema barısınan ózlestirilgen bilim, kónlikpe hám qánigelerin qadaǵalaw hám bahalaw, sonday-aq, taza temanı úyreniw barısıda lokal texnologiyalardan paydalanıw maqsetke muwapıq.
Biologiyanı oqıtıwda lokal dárejedegi pedagogikalıq texnologiyalardan «Keys», «Insert», «Klaster», «Venn diagramması», «Aqliy hújim», «Kishi toparlarda islew», «Atamalar shınjırı», «Atamalar betleri», jedel oyınlar hám oyın mısallarnıń túrli formalarınan paydalanıw usınıs etiledi.
Biologiya kursı mazmunındaǵı mashqalalı jaǵdaydı oqıtıwda «Keys»dan paydalanıw joqarı payda beredi.
«Keys» — case studiyes ingliz tilinen alınǵan bolıp, process yaki jarayan degen mánisti beredi.
Dáslep bul texnologiyadan biznesmen hám isbilermenlerdi oqıtıwda paydalanǵan bolıp, házirgi waqıtta oqıtılatuǵın pánniń mazmunınan kelip shıqqan halda, tiri organizmlerde baratuǵın processlerdiń sırtqı hám ishki, obiyektiv hám subektiv derekleri boyınsha mashqalalı jaǵdaylar jaratılıp olardı sheshiw ushın oqıw sáwbetleri júzege keledi.

2. 
   Biologiya sabaqlarında lokal texnologiyalardan paydalanıw jolları.
   

Biologiyanı oqıtıwda dástúr mazmunındaǵı evolucion túsinikler jetekshilik qılǵan, sonday-aq, sáwbetlesiwler «ósimliklerdıń payda bolıwı hám rawajlanıwı», «haywanat dúniyasınıń payda bolıwı hám rawajlanıwı» sıyaqlı temalardı oqıtıwda paydalanıw múmkin.
Tálim-tárbiya processinde keysden paydalanıw ushın oqıtıwshı:

1. 
   dástúr mazmunındaǵı mashqalalı temalardı anıqlawı, usı temalardı oqıtıw ushın mashqalalı soraw tapsırmalar dúziwi;
   
2. 
   sabaq dawamında mashqalalı soraw tapsırmalardıń qıyınshılıq dárejesine kóre jeke tártipte yáki oqıwshılardıń kishi toparlarda óz betinshe jumıslardı* shólkemlesiwin anıqlawı;
   
3. 
   oqıwshılardıń biliw iskerligin usı mashqalalardı sheshiw, oqıw sáwbetleri arqalı basekede qatnastırıw jolların rejelestiriwi;
   
4. 
   mashqalalı soraw tapsırmalar tiykarında shólkemlestirilgen oqıw sáwbetlerinde juwmaqlaw pikirin júzege keltiriwi kerek.
   

Dástúr mazmunındaǵı tek ǵana anıq materiallardı úyreniw názerde tutılǵan temalarda insertden paydalanıw usınıs etiledi.
Insert - lokal dárejedegi pedagogikalıq texnologiya bolıp, oqıwshılar tárepinen oqıw materialındaǵı tiykarǵı ideya hám tiykarǵı materiallardı ańlawǵa múmkinshilik jaratıw maqsetinde qollanıladı.
Oqıwshılardı Insert járdeminde islesiw kónlikpelerin rawajlandırıw ushın olarǵa úyreniletuǵın oqıw materialları hám arnawlı keste tarqatıladı. Oqıwshılar hár bir qatardı úyrenip shıǵıp, arnawlı kestege turaqlı sınawlar járdeminde belgilew usınıs etiledi.
Eger qatarda berilgen maǵlıwmat usı kúngeshe ózlestirgen bilimlerine mas kelse, «Bilemen» - √, eger maǵlumatlar túsinerli hám taza bolsa, ol halda «Maqullayman» +, eger maǵlumatlar oqıwshılar ózlestirgen bilimlerge mas kelmese, ol halda «úyreniw kerek»-, oqıwshılar oqıw materiallarin ózlestiriwde qıyınshılıq sezse, ol halda «Túsinbedim»? belgisin qoyadı.