7-mavzu: Sun`iy charmlar haqida umumiy ma`lumotlar. Sun`iy charmlar uchun material va xom ashyolar

Viniliskoja ishlab chiqarishning ahamiyati.
Polivinilxlorid qoplamali sun`iy charm (viniliskoja) poyabzal usti va astarlik uchun ishlatiladi. Viniliskoja gazlama yoki noto’qima asosga PVXli plyonka yoki pasta qo’yish yo’li bilan tayyorlanadi. Poyabzal lakli viniliskojasi-T, poyabzal aralash viniliskojasi, gazlama asosga PVX plyonka qoplash bilan olinadi.
Poyabzal viniliskojasi, zamsha viniliskojasi gazlamali asosga PVX pastasini qoplash bilan olinadi. Zamshali viniliskoja- T ni ishlab chiqarishda glitserin va katta miqdorda suvda yuviluvchi tuz bo’lgan pasta ishlatiladi.
Elastoiskoja ishlab chiqarishning ahamiyati.
Kauchuk qoplamali sun`iy charm (elastoiskoja) poyabzal usti va astari uchun ishlatiladi.
Poyabzal kirzasi gazlamani (2-3 qavatli kirzani) benzinli va benzo suvli yelimlar hamda latekslar bilan sug’orib tayyorlanadi. Benzinli va benzo suvli yelimlarning asosiy kompomentlari yuqori qayishqoqli kauchuk SKB-50, yelim yopishqoqligini pasaytiruvchi rubraks, lampali saja, vulkanizator va jadallashtirgichlardan iborat. 1m2 kirzani sug’orish uchun 250-370 g, qoplash uchun 50-70 g quruq massa ketadi.
Sun`iy charm nuqsonlari va navlari.
Ishlab chiqarish nuqsonlaridan eng ko’p uchraydigani bu yirtiq va ustki qatlamni qochib ketishi, yaxshi zichlanmaganligidir. Sun`iy charm yuza tomonidagi nuqsonlar soniga qarab 2 ta navga bo’linadi:
I- nav sun`iy charmda nuqson bo’lmasligi kerak, bo’lsa ham, materialni bichishga yoki uning xususiyatiga ta`sir qilmasligi kerak.
II- nav sun`iy charmda ikkitadan oshmagan katta nuqsonlar bo’lishiga ruxsat etiladi.
Nazorat savollari
 

• Sun`iy charm haqida nimalarni bilasiz?
• Sun`iy charmlar uchun qanday material va xom- ashyolar ishlatiladi?
• Qoplash, sug’orish uchun kompozitsiyalar nimalar va ular qanday qo`llanadi?
• Polivinilxloridli qoplama va sug’orish
• Poliamidli sug’orish va qoplash
• Amidiiskoja, sun`iy charmning nuqsonlari va navlari.