Tóginlew. Jońıshqa joqarı hasıldarlı hám kóp orımlı ósimlik bolǵanlıǵı ushın topıraqtan bir qansha azıqlıq zatlardı ózlestiredi. Azıqlıq zatlar jeterli bolsa, jońıshqa jaqsı hám tez ósedi. Topıraq túri, ónimdarlıǵına qarap gektarına 90-150 kg fosfor hám 50-100 kg kaliy beriw usınıs etiledi. Ekinshi hám úshinshi jılǵı jońıshqaǵa 60-90 kg fosfor hám 30-45 kg kaliy beriliwi múmkin.
Egiw múddeti. Ózbekistannıń suwǵarılatuǵın jerlerinde jońıshqa báhárde hám gúzde egiledi, lálmi jerlerde bolsa gúzde, jawın-shashın baslanıwınan aldın egiledi.
Ózbekstannıń topıraq-ıqlım sharayatın esapqa alıp, jońıshqa qubla wálayatlarda fevraldıń aqırında, oraylıq wálayatlarda-marttıń birinshi on kúnliginde hám arqa wálayatlarda-marttıń ekinshi on kúnliginde egiledi.
Jońıshqa taza halda yaki basqa ot-shóplik ósimlikler menen qosıp egiledi. Jońıshqa taza halda ápiwayı dán egetuǵın seyalkada, gektarına 12-16 kg , 2-3 sm tereńlikke jalpılamay qatarlap egiledi.
Do'stlaringiz bilan baham: |
