Muhokama uchun savollar.
Jeneva Konvensiyalariga qo’shimcha bayonnomalar qachon qabul qilindi?
I Qo’shimcha Bayonnoma mazmuni haqida nimalarni bilasiz?
II Qo’shimcha bayonnoma qanaqa tusdagi qurolli nizolarga taalluqli?
BMT rezolyutsiyasi (Pekin qoidalari) haqida ma’lumot bering.
GLOSSARIY
Adaptatsiya (lotincha adaptare)- moslashish, jumladan organizmni o‘zgarayotgan sharoitlarga moslashishi.
Adekvat (lotincha adecqvatus)- tenglashgan, bir xil, o‘xshash.
Bill (inglizcha bill)- bir qator mamlakatlarda Angliya, AQSh, Kanada va boshqalarda qabul qilinadigan qonun.
Bola - 18 yoshga to‘lmagan har bir inson zoti, agar bolaga nisbatan nisbatan qo‘llaniladigan qonun bo‘yicha u ertaroq balog‘atga yetmagan bo‘lsa, bola hisoblanadi.
Bolaning qonuniy vakili - bolaning ota-onasi, farzandlikka oluvchilar, vasiylar va homiylar hisoblanuvchi shaxs.
Bola huquqlari - jismoniy va aqliy jihatdan kamolotga yetmagan, maxsus ravishda muhofaza va g‘amxo‘rlikka, binobarin, tug‘ilguncha va tug‘ilgandan keyin ham munosib darajadagi huquqiy himoyaga muhtoj bolalarga taqdim etilayotgan alohida huquqlar, imtiyozlar va kafolatlarni qamrab oluvchi xalqaro va milliy huquqiy asos va mexanizmlarni o‘z ichiga qamrab olgan inson huquqlari sohasi.
Bola huquqlari bo‘yicha xalqaro institutsional tizim - o‘z faoliyati doirasida bola huquqlari bo‘yicha davlatlararo hamkorlik olib borishga ko‘maklashuvchi hamda uni muvofiqlashtirib boruvchi, bevosita bola huquqlari bo‘yicha xalqaro norma ijodkorlik faoliyati bilan shug‘ullanuvchi xalqaro tashkilotlar va organlarning tizimi.
Vasiylik va homiylik - ota-ona qaramog‘idan mahrum bo‘lgan bolalarni, ularga ta’minot, tarbiya hamda ta’lim berish, shuningdek ularning huquqlari, erkinliklari va qonuniy manfaatlarini himoya qilish maqsadida joylashtirishning huquqiy shakli.
Do'stlaringiz bilan baham: |
