А. Э. Тангиров бизнес ижроси ва

жараёнини тўрт босқичга бўлиш мумкин: 
Биринчи босқич - бизнес-жараёнининг диаграммасини тузиш, унда 
маълум бир жараён ҳозир қандай амалга оширилаётгани кўрсатилиши керак. 
Иккинчи босқич - мавжуд ва потенциал бизнес-жараёнининг ўзида 
муаммолар ва номувофиқликларни аниқлаш. 
Учинчи босқич - муаммоларнинг сабабларини аниқлаш. 
Тўртинчи қадам - бизнес-жараённи такомиллаштириш бўйича тавсиялар 
ишлаб чиқиш, улар бизнес-жараён қандай ишлаши кераклигини кўрсатиш учун 
схемага киритилади. 
Бизнес-жараёнининг схемаси - бу унинг бошидан охиригача график 
тасвири, шу жумладан жараённинг барча оралиқ босқичлари, индивидуал 
ҳаракатлари ва муносабатлари. 

---

72 
Батафсил схема сизга ушбу жараён корхонада қандай амалга 
оширилишини танқидий таҳлил қилишга имкон беради ва лойиҳанинг мақсад 
ёки вазифаларига эришиш учун нималарга алоҳида эътибор қаратиш 
кераклигини кўрсатади. 
Масалан, агар лойиҳанинг мақсади бутун жараённинг иш цикли 
давомийлигини сезиларли даражада қисқартириш бўлса, демак, асосий 
эътиборни кўп вақтни талаб қиладиган ҳаракатларга, шунингдек уларнинг 
қандай тартибга солинишига қаратиш лозим. . Агар мақсад харажатларни 
камайтириш бўлса, сиз жараённинг энг кўп ресурсларни сарфлайдиган 
босқичларини диққат билан ўрганишингиз керак. Агар сизнинг мақсадингиз 
муваффақиясизлик бартараф қилиш бўлса, унда сиз энг кўп 
муваффақиясизликлар юзага келадиган ва энг паст кўрсаткичлар пайдо 
бўладиган босқичларга эътибор қаратишингиз керак. 
Ўзаро боғланиш схемаси - кириш ва чиқишнинг типик блок 
диаграммаси. Кириш ва чиқиш ўртасида блоклар жойлашган бўлиб, уларнинг 
ҳар бири бизнес жараёни билан боғлиқ бўлган маълум функционал майдонни 
ифодалайди. Бу босқичда, яъни муносабатлар схемасини тузиш босқичида, бу 
бизнес жараёнини ташкил этувчи барча ҳаракатлардан фойдаланиш шарт эмас, 
лекин қайси бўлинма ва шахслар иштирок этишини кўрсатиш жуда муҳимдир. 
"Буюртмани бажариш" бизнес-жараёни учун жуда оддий муносабатлар схемаси 
мавжуд.