A Excel programmasına kiriw b Jumıs hújjetler menen islew

«Master funkciya» di qollaw funkciyanıń jazılıwı hám onıń barlıq argumentlerin sintaktik tuw’rı tártipte kiritiliwin tamiynleydi. «Master funkciya» di iske túsiriw ushın standart úskeneler panelindegi piktogrammasın mısh kórsetkishi menen tańlaw lazım. «Master funkciya» eki baylanıs fomasındaǵı aynasına iye. Kategoriyalar aynada 11 túrli oblastlarǵa tiyisli bolǵan funkciyalar kategoriyaları berilgen. Eger paydalanıwshınıń arnawlı funkciyaları da qollanılsa, bul kategoriyalar sanı onnan da kóp bolıwı múmkin. Funkciyalar dizimindegi kategoriyalardan biri tańlap alınsa, baylanıs aynasında usı funkciya kategoriyasına tiyisli funkciyalardıń dizimi shıǵadı. Dizimler aynasında funkciyalardan biri tańlap alınsa, argumentler dizimi menen paydalanıw haqqında qısqasha maǵlıwmat payda boladı.


«Master funkciya» menen islew haqqında túsindirmeler

1. 
   Eger tańlanǵan funkciya haqqında qosımsha maǵlıwmat almaqshı bolsańız, onda mısh kórsetkishin «Spravka» túymesine alıp barıp basıń.
   
2. 
   Jańa funkciyanı kiritiwde «Master funkciya» avtomatik ráwishte qatar basına «=» (teń) belgisin qoyadı.
   
3. 
   «Master funkciya» di shaqırıwda yasheyka bos bolmasa, onda yasheykadaǵı maǵlıwmatlardı óshirip taslanadı.
   
4. 
   «Master funkciya» di bar bolǵan formulaǵa jańa funkciyanı kiritiwde qollaw múmkin. Bunıń ushın formulanı redaktorlawda funkciya kiritiliwi kerek bolǵan orında kursordı kiritiw, keyin bul kiritiwdi ámelge asırıw ushın «Master funkciya» di iske túshiriw kerek.
   

Diagrammalar menen islew
Diagrammalar grafikler dep te ataladı. Olar elektron tablicalardıń ajıralmas bólimi.
Diagramma — sanlı tablica kórinisinde berilgen informaciyalardı kórgizbeli payda etiw usılı.
Maǵlıwmatlardı diagramma fomasında payda etiw orınlanıp atırǵan isei tez túsiniwge hám onı tez sheshiwge járdem beredi. Máselen, diagrammalar júdá úlken kólemdegi sanlardı kórgizbeli kórinislew hám olar arasındaǵı baylanıstı anıqlawǵa júdá paydalı.
Diagrammalar tiykarinan sanlar menen jumıs isleydi. Bunıń ushın jumıs tablica iueshtvu bir neshe san kiritiledi, soń diagramma dúziwge kirisiledi. Ádette, diagrammalar ushın paydalanıp atırǵan maǵlıwmatlar bir orında jaylasqan boladı. Biraq bul shárt emes. Bir diagramma maǵlıwmatlardı kóp sanlı jumıs betleri hám hátte jumıs kitablardan da alıwı múmkin.
Excel de dúzolgen diagrammaları jaylastırıwıń eki variantı bar:

1. 
   Diagrammanı bettiń ishki elementi sıpatında tuwrıdan-tuwı betke kiritiw.
   
2. 
   Jumıs kitabinıń jańa diagrammalar betinde diagramma kiritiw. Diagramma beti jumıs kitabinıń betinen bir diagrammanı saqlawı hám yasheykaları bolmaǵanlıǵı menen parq qıladı.
   

Eger diagramma beti aktivlestirilse, onda Excel menyui u menen islew ushın sáykes halda ózgeredi.
Diagrammanı jaylastırıw usıllarına qaramastan, diagramma kóriw processin tuwrıdan-tuwrı basqarıwı múmkin. Reńlerdi ózgertiw, shkala masshtabın ózgertiw, túr (setka) shızıklarına qosımshalar kiritiw hám basqa elementlerdi qollaw múmkin.
Excel diagramması jumıs tablica betiniń maǵlıwmatları menen tuwra baylanıslı. Jumıs tablica betindegi maǵlıwmatlar ózgertilse, tez olarǵa baylanıslı bolǵan diagramma sızıqları ózgeredi.
Diagrammalardıń bir neshe túrleri bar: sızıqlı, dóńgelek, grafik formadaǵı hám basqalar. Excel de diagrammalarıń qálegen túrin dúziw múmkin. Ayırım diagrammalar júdá quramalı formalardı da kórsetedi. Máselen, japıraqlı, kolco tárizli hám t.b.
Diagrammalar payda etilgennen keyin ol ózgermes jaǵdayda bolmaydı, balkim barlıq waqıtta onıń formasın ózgertip turıw hám arnawlı formatlaw atributların qosıw, jańa maǵlıwmatlardı toplamı menen toltırıw, bar maǵlıwmatlar toplamın basqa diapazon yasheykalardan paydalanatuǵın qılıp maǵlıwmatlardı ózgertiw múmkin.
Basqa grafik ob’ektler kibi diagrammalardı bir jerden ekinshi jerge kóshiriw de múmkin. Onıń ólshemlerin, qatnaslaın ózgertiw, shegaraların durıslaw da olar ústinde basqa ámellerdi orınlaw da múmkin. Payda etilgen diagrammaga ózgertisler kiritiw ushın mısh kórsetkishiniń shep túymesin eki márte basıw kerek boladı. Bunda diagrammalar aktivlesip, Excel menyui diagrammalar menen islew ushın kerekli buyrıqlardı kórsetedi. Payda etilgen diagrammalardıń tiykarǵı abzallıǵı sonda, olardı diagramma dúziw ushın paydalanılǵan maǵlıwmatlar qasına jaylastırıw múmkin.
Ayrıqsha bette jaylastırılǵan diagrammalar tolıq betti iyeleydi. Egerde bir neshe diagramma dúzbekshi bolsańız, onda hár birin ayrıqsha betlerge jaylastırıw maqsetke muwapıq. Sonda bettegi diagrammalardıń «kurinerlilik dárejesi» saqlanadı. Bunnan tısqarı, bul usıl quılǵan diagrammalardı tez tabıw imkanın beredi, sebebi bul jaǵdayda diagramma betiniń yarlıgına sáykes atlar beriw múmkin.