A. G. I brag I mov, Z. R. Madaminova

Depo hisobvarag'i — deponentning qimmatli qog'ozlarini 
saqlash va qimmatli qog'ozlarga bo'lgan huquqlarini hisobga olish 
208 

---

uchun mo'ljallangan depozitariyni hisobga olish registrlaridagi 
yozuvlar yig'indisi. 
Depo hisobvarag'idan ko'chirma - deponentning qimmatli 
qog'ozlarga bo'lgan huquqlarini tasdiqlaydigan, depozitariy 
tomonidan beriladigan hujjat. 
Depozitar operatsiyalar - hisobga olish registrlarida depo-
zitariylar tomonidan depozitar operatsiyalar standartlariga muvofiq 
bajariladigan operatsiyalar. 
Depozit sertifikati - bankka qo'yilgan omonat summasini va 
omonatchi (sertifikat saqlovchi)ning omonat summasini hamda 
sertifikatda shartlashilgan foizlarni sertifikatni bergan bankdan yoki 
shu bankning istalgan filialidan belgilangan muddat tugaganidan 
keyin olish huquqini tasdiqlovchi noemissiyaviy qimmatli qog'oz. 
Dividend - aksiyalar bo'yicha olinadigan daromad. Odatda, 
aksiyadorlik jamiyatining foydasiga bog'liq bo'ladi. Agar 
aksiyadorlik jamiyati hisobot yili natijalariga ko'ra katta foydaga 
ega bo'lsa, unda katta dividend to'lash imkoniyati bo'ladi va 
aksincha. Agar foyda mutlaqo bo'lmasa, dividend to'lanmasligi 
mumkin. Lekin, imtiyozli aksiya bo'yicha belgilab qo'yilgan 
dividend aksiyadorlik jamiyati xo'jaiik - moliya faoliyati 
natijalaridan qat'iy nazar to'lab berilishi shart. 
Dilerlik faoliyati - bu qimmatli qog'ozlar oldi - sotdisiga doir 
bitimlarni o'z nomidan va o'z hisobidan muayyan qimmatli 
qog'ozlarni xarid qilish va (yoki) sotish narxlarini ochiqchasiga 
e'lon qilish yo'li bilan ushbu qimmatli qog'ozlarni e'lon qilishga 
209 

---

narxlar bo'yicha xarid qilish va (yoki) sotib olish majburiyati bilan 
amalga oshirishdir.