A. Makedonskiniň Merkezi Aziýany basyp almagy we onuň netijeleri

Hojalygy ýöretmegiň üýtgeýän döwründe Türkmenistanyň ykdysady syýasaty we durmuşa gönükdirilen ösüşiň şertleri

Taryhy ölçeglerde örän gysga möhletde Türkmenistan garyşyk görnüşli ykdysadyýetiň durmuşa gönükdirilen milli nusgasyny döret-megi başardy, ol milli nusga jemgyýetde çuň durmuş özgertmeleriň geçirilmegini we ýurduň ykdysadyýetiniň depginli ösüşini üpjün etdi. Ýurtda geçirilýän işjeň maýa goýum syýasaty düýpli gurluş özgertme-lerini amala aşyrmaga we jemgyýetiň durmuşynyň ähli ulgamlarynda oňyn öňegidişliklerini üpjün etmäge mümkinçilik berýär. Häzirki wagt-da Türkmenistanda amala aşyrylýan giň möçberli özgertmeleriň top-lumlygy dünýä jemgyýetçiligi üçin ýurdy durmuş-ykdysady taýdan ösdürmegiň täze ugrunyň ýüze çykmasy boldy. Mälim bolşy ýaly, 2007-nji ýyldan başlap, Türkmenistan özüniň ösüşiniň täze tapgyryna gadam basdy. Jar edilen Täze Galkynyş syýasatynyň çäklerinde esasy maksatlaýyn ugurlar kesgitlenildi we bazar özgertmeleriniň maksatnamasy bellenildi. Bu maksatna-ma pudaklaryň ýeterlik infrastrukturasynyň tapgyryny döretmegiň, ykdysadyýeti diwersifikasiýalaşdyrmagyň, pudaklaýyn we gurama-çylyk-hojalyk gurluşyny kämilleşdirmegiň ýoly bilen halkara bazar-larynda ýurduň eýeleýän ornuny pugtalandyrmagy göz öňünde tutýar. Yewropanyň ösüş we abatlaýyş bankynyň bahalary boýunça soňky ýyl-larda Türkmenistanda ykdysadyýeti liberalizasiýalaşdyrmakda saldam-ly ösüş gazanyldy. Dünýä walýuta gaznasy (DWG) hem Täze Galkynyş eýýamynda özgertmeleriň geçirilmegi netijesinde gazanylanlara ýokary baha berýär. Häzirki zaman Türkmenistanyň bazara gönükdirilen ykdysady nusgasynyň aýratynlyklary bolup, şu aşakdakylar durýar: döwlet eýeçiliginiň dolandyrylyşynyň görnüşlerini we usullaryny düýpli kämilleşdirmek; durmuş taýdan möhüm we geljegi uly bolan hereket edýän kär-hanalarda işçi orunlaryny saklamagyň, täze iş orunlaryny döretmegiň,şol sanda ykdysadyýetiň döwlete dahylsyz ulgamlarynda iş orunlaryny döretmegiň, kadrlary taýýarlamagyň we gaýtadan taýýarlamagyň ul-gamyny guramagyň esasynda ilatyň iş bilen netijeli üpjünçiligini ga-zanmak; ilatyň anyk pul girdejileriniň ösüşiniň artyşyny üpjün etmek, ilatyň girdejileriniň we hakyna tutma işgärleriň zähmet işjeňliginiň möhüm höweslendirmeginiň çeşmesi hökmünde zähmete hak tölenişiniň dere-jesini yzygiderli artdyrmak;