A. S. Yuldashev, M. U. Tojiboyev
Download 0.9 Mb. Pdf ko'rish
|
2botanikresursshunoslikpdf
- Bu sahifa navigatsiya:
- Nazariy qism
4 AMALIY MASHG’ULOTLAR MAZMUNI 1-mashg’ulot: Botanik resursshunoslikda qo’llaniladigan ilmiy-tadqiqot uslublari bilan tanishish va ularni qo’llashni o’rganish. Mashg’ulotning maqsadi: Fanni o’rganishda qo’llaniladigan ilmiy-tadqiqot usullari va ularni qo’llash amaliyoti bilan tanishish Nazariy qism Ekologiyaning asosiy metodi dala sharoitida o‘tkaziladigan qiyosiy ekologik-geografik metod hisoblanadi. Bunda eksperiment ham juda muhim. Lekin shuni esda tutish kerakki, har qanday eksperimentda tabiiy holatni buzishga to‘g‘ri keladi, bu esa har doim tegishli tuzatish kiritishni talab qiladi. Ekologiya qishloq xo‘jaligida katta ahamiyatga ega. Bu sohadagi deyarli barcha masalalar ekologiya bilan uzviy birlashib ketadi. Keyingi yillarda esa atrof-muhitni muhofaza qilish masalalari ham, inson hayotining ko‘pchilik problemalari ham ekologiya bilan chambarchas bog‘liq holda o‘rganiladigan bo‘ldi.
Barcha tabiiy fanlar tizimida bo’lgani singari o’simliklar ekologiyasi fanini o’rganishda bir qancha tadqiqot usul (metod) laridan foydalaniladi. Bu tadqiqot metodlariga kuzatish, dala, tajriba (eksperiment), matematik modellashtirish kabilarni kiritish mumkin. Ulardan tashqari hozirda zamonaviy molekulyar darajadagi metodlardan ham keng foydalanilmoqda.
O’simliklarning tashqi ekologik muxit ta’siri bilan bog’liq xoldagi morfologik farqlari, sutkalik, mavsumiy, yillik va har xil yillik o’zgarishlari, o’sish va rivojlanish dinamikasini o’rganishda fenologik kuzatish metodlardan ham ken foydalaniladi. Turli hayotiy shakl va har xil sistematik guruhlarga mansub o’simliklarning barcha vegetativ va generativ organlarini o’rganishning fenologik va boshqa metodlari “Polevaya geobotanika (Dala geobotanikasi)” asarida batafsil bayon qilingan.
Botanik resursshunoslik fanida eng ko’p qo’llaniladigan asosiy tushuncha va atamalarga quyidagilar kiradi: Paykal (populyatsiya yoki uning yig’im-terim amalga oshiriladigan qismi) – o’simliklar qoplamining tarkibida tarqalgan, sanoat miqyosida yig’ib-terib olish uchun yaroqli zahiralarga ega bir turga kiruvchi o’simlik tuplarining yig’indisi. Sanoat massivi – sanoat miqyosida yig’im-terim uchun yaroqli bo’lgan, o’rganilayotgan turning bir-biriga yaqin joylashgan paykallari yoki populyatsiyalari. Tovar na’munasi – o’simlikning yig’im-terim uchun yaroqli, yetuk va zararlanmagan tuplari. Uning tarkibiga (yig’im-terim yo’riqnomasiga asosan) o’simlikning urug’idan yoki vegetativ ko’payishi uchun qoldirilgan tuplari kiritilmaydi. O’simlik soni – muayyan xududda tarqalgan foydali o’simliklarning umumiy soni. Absolyut va nisbiy son tushunchalari farqlanadi. Zichlik – muayyan o’lchamdagi maydon birligiga to’g’ri keluvchi foydali o’simlik tuplari soni (m 2
Proyektiv qoplanish – bir turga kiruvchi o’simlik tuplarining yer ustki qismlarining hisob-kitob maydonchasi yoki paykal doirasidagi qoplanish maydoni foizi. Hisob (o’lchov) maydonchasi – belgilangan paykal va sanoat massivi doirasida tarqalgan o’rganilayotgan o’simlikning hosildorligi, proyektiv qoplanishi, umumiy sonini aniqlash uchun o’rnatiladigan muayyan o’lchamdagi maydoncha. Uning hajmi o’simlikning hayotiy shakli va o’lchamlariga qarab, 0,25 m 2 (mayda o’tsimon o’simliklar) dan 2500 m 2 (yirik daraxt va butalar) gacha bo’lishi mumkin. Transekta - o’rganilayotgan o’simlikning hosildorligi, proyektiv qoplanishi, umumiy sonini aniqlash uchun o’rnatiladigan ensiz va to’g’ri burchakli maydon.
5 Hosildorlik (xomashyo zahirasi zichligi) – o’rganilayotgan o’simlik tarqalgan paykal doirasida muayyan maydon birligiga to’g’ri keluvchi xomashyobop fitomassaning umimiy yig’indisi (g/m
2 , kg/ga). Biologik zahira (B.z.) – o’rganilayotgan o’simlik tarqalgan ixtiyoriy xududdagi yig’im-terim uchun yaroqli va yaroqli bo’lmagan o’simlik tuplaridan iborat umumiy xomashyobop fitomassasi yig’indisi. B.z. og’irlik (gr, kg, t) o’lchov birliklarida ifodalanadi. Ekspluatatsion (sanoat) zahirasi (E.z.) – yig’im-terim ishlari olib boriladigan xududdagi tovar na’muna o’simlik tuplarining xomashyobop fitomassasi yig’indisi. E.z. og’irlik (gr, kg, t) o’lchov birliklarida ifodalanadi. Ekspluatatsion zahira hajmi biologik zahiraga nisbatan oz, ammo uning asosida hisoblanadi. E.z. bir va ko’p yillik o’tsimon o’simliklarning yer ustki qismlari uchun b.z.ning 50% ini, daraxt, buta, butacha, yarim butalar uchun 25% ini, yer ostki qismlari uchun mos ravishda 25 va 10% ini tashkil qiladi. Tayyorlov aylanmasi (T.a.) - xomashyo zahiralarining qayta tiklanishi uchun zarur bo’ladigan davr (yil miqdori). Yillik tayyorliv hajmi (Y.t.h.) – muayyan xududdan xomashyo bazasi zahirasiga zarar keltirmasdan bir yil davomida tayyorlanadigan xomashyo miqdori. Bu miqdor e.z ning t.a.ga nisbati bilan aniqlanadi.
Download 0.9 Mb. Do'stlaringiz bilan baham: |
ma'muriyatiga murojaat qiling