A., Sharipova sh. S. Kasbiy ta`lim metodikasi

 
 
 
 

---

352 
XULOSA 
O‘zbekiston Respublikasining “Ta’lim to‘g‘risida”gi qonuni va “Kadrlar 
tayyorlash milliy dasturi”da har tomonlama yetuk mutaxassis kadrlar tayyorlashning 
mohiyati, zaruriyati, zamonaviy fan va texnikaning rivojlanish talablariga mos 
barkamol avlodni tarbiyalash masalalari izchillik bilan tahlil etilgan, dolzarb vazifalar 
va ularni amalga oshirish chora-tadbirlari belgilab berilgan. Shu bois, oliy o‘quv 
yurtlarida talabalarni hozirgi zamon talabi ruhida tarbiyalash, olingan nazariy 
bilimlarni amaliyotda qo‘llash, ko‘nikma, malakalarini shakllantirishga qaratilgan 
ko‘pgina ta’lim-tarbiya vositalari, uslubiy shakl yo‘riqlari mavjud. Jumladan, bu 
borada yoshlarni hayotga tayyorlashda ko‘p asrlar davomida qo‘llangan usullar, 
vositalar, tadbir shakllari, urf-odatlar va an’analar, g‘oyalar, hayotiy tajribalardan 
iborat namunalar majmuasidir. 
Mazkur darslikda mualliflar hozirgi zamon “Kasbiy ta`lim metodikasi” fanining 
yutuqlari hamda uzoq yillar olib borilgan kuzatishlari, mazkur fanni o‘qitishdagi 
tajribalarga asoslanib, kasb ta`limining ilmiy – nazariy va amaliy – metodik asoslari 
xususida fikr yuritadilar. “Kasbiy ta`lim metodikasi”ning nazariy – metodologik 
asoslari, mazmuni, funktsiyasi, tarkibiy qismlari, ularning vazifalari, o‘quv – tarbiya 
jarayonini boshqarishda o‘qituvchi va talaba mahorati aniq dalillar asosida yoritilgan.
Ushbu darslikda kamchiliklar, hali qiyomiga yetmagan fikrlar bo‘lishi mumkin. 
Shu sababdan, sizning fikr-mulohazalaringizni kutamiz va keyingi nashrlarda albatta 
inobatga olamiz. 
Maqsadimiz - o‘qituvchilarga, xususan, faoliyatini endigina boshlagan
o‘qituvchilarga, pedagogik faoliyatga tayyorlanayotgan talabalarga kasbiy pedagogik 
mahoratni egallashda “Kasbiy ta`lim metodikasi” haqida ma’lumot berishimizdan 
iborat.