А у д и т тошкент 2008 «Аудит» (дарслик). Тошкент Давлат иқтисодиёт университети, 2008 й. Муаллифлар жамоаси

13.3. Асосий ишлаб чиқариш тармоқлари аудитининг режаси ва дастурини тайёрлаш.

Олинган жавобларни таҳлил қилиб бўлиб, аудитор маҳсулотни ишлаб чиқариш ва сотиш жараёнини назорат қилиш йўналишларини аниқлаши ва ҳар бир йўналиш бўйича энг маъқул бўлган муолажаларни танлаб олиши, маҳсулотни ишлаб чиқариш ва сотиш операциялар цикллари бўйича аудиторлик текширувининг дастурини тайёрлаши лозим. Тайёр маҳсулотни ишлаб чиқариш ва сотиш цикллари бўйича аудиторлик текширувининг дастури 13.2-жадвалда келтирилган.

13.2-жадвал
Тайёр маҳсулотни ишлаб чиқариш ва сотиш цикли бўйича аудиторлик текширувининг дастури

t. r-	Муолажалар рўйхати	Maъlumotlar manbalari
1	2	3
1	Тайёр маҳсулотни ишлаб чиқариш ва сотиш бўйича ҳисоб регистрлари маълумотларини текшириш ва уларни Бош китоб счетлари маълумотлари билан солиштириш	Қайдномалар, журнал-ордерлар, машинограммалар, Бош китоб
2	Тайёр маҳсулотнинг омбордаги ҳаракатини танлаб олиб текшириш	Тайёр маҳсулотни омборда ҳисобга олиш бўйича варақалар
3	Жўнатиш ҳужжатлари тўғри расмий-лаштирилганлиги ва ҳисобга олинганлигини танлаб олиб текшириш	Счет-фактуралар, юк хатлари, сотиш бўйича дафтарлар, машинограммалар
4	Жўнатиш ҳужжатларида қайд этилган нархлар прейскурантдаги нархларга мувофиқ эканлигини танлаб олиб текшириш	Счет-фактуралар, юк хатлари, прейскурант
5	Харидорлар қарзлари ҳисоб регистрларида ва Бош китобда тўғри акс этилганлигини танлаб олиб текшириш	Ҳисоб-китоблар бўйича солиштириш далолатномалари, машинограммалар, Бош китоб
6	Сотилган маҳсулотнинг таннархи ўз вақтида ва тўлиқ ҳисобдан чиқарилганлигини текшириш	Жўнатилган (сотилган) маҳсулотнинг амалдаги таннархини ҳисоблаш
7	Маҳсулотни ишлаб чиқариш ва сотиш ҳисоби, сотишдан ва таннархни ҳисобдан чиқаришдан тушум бўйича счетлар тўғри корреспонденцияланганлигини текшириш	Ҳисоб сиёсати, қайдномалар, журнал-ордерлар, машинограммалар, Бош китоб