Аҳадқули Холмуҳаммад ўғли савдогарлар устози тошкент 2018

ОМАД ОМАДСИЗЛАР ҚИЛИШНИ 
ИСТАМАГАН ИШЛАРНИ 
ҚИЛИШИНГДАДИР
Биз одатдагидек устознинг олдида масала тинглаб 
ўтирибмиз. Биз у зотдан файз олардик. Барка олардик. 
Шунинг учун тез – тез олдиларига бориб, дарс олишни 
канда қилмасдик. Яна шуни ҳам билардикки, ҳар сафар 
бу даргоҳдан янги бир нарса ўрганиб кетамиз. Бу сафар 
устоз дарсдан сўнг, бизни Хурмозорга бошлади. Ўз 
хурмозори ва бошқа боғларни кўрсатди. У ерда ҳатто 
устознинг боғидан ҳам чиройлироқлари, серҳосиллари 
бор эди. Умуман яхши ишлов берилмаган боғлари ва 
шохлари тарвақайлаб ётганлари айниқса кўп эди. Устоз 
ҳар доимгидек аввал бизга савол берди.
-Шу боғларни кўриб, қандай хулосага 
келдиларинг? Нега ҳамманинг боғи ҳар хил? 
Биринчи мен жавоб бердим.
-Устоз, менимча боғ парваришлашга уқувсизлик 
туфайли бу ерда мева бермаётган хурмолар кўп бўлса 
керак. 
Мендан сўнг Абдуллоҳ жавоб берди.
Устоз, менимча бу ерда меҳнатга эътибор бериш 
керак. Мана бу гуллаб-яшнаб турган боғларнинг эгалари 
муносиб меҳнат қилган, ёввойи боғга айланганларида 
меҳнат яхши бўлмаган.
Бизнинг жавобларимизни тинглагач, устоз ўз 
саволига жавоб бера бошлади. 
-Иккалангизнинг жавобларингиз ҳам тўғри. Аммо 
мен сал бошқачароқ жавоб бераман. Бу ерда омадсизлик 
ва омаднинг чегараси бор. Мана бу боғга қаранглар 

---

30
қурий деб қолган. Эгасини танийман. Биз у билан бу 
ерга хурмоларни бирга экканмиз. Боғимнинг ёнидаги 
меникиданда серҳосил ва чиройли ишлов берилган боғ 
эгаси ҳам биз билан бирга эккан. Боғлар орасидаги фарқ 
шу қадар аниқки, хурмони парваришлаш нима эканини 
билмаган одам ҳам сезади. Биз бу ерни ўзлаштиришни 
бошлаганимизда жуда унумсиз ва ўғитталаб эди. Аммо 
таваккал қилдик. Меҳнатни бирга бошладик. Биринчи 
йили эккан хурмоларимиз кўкармади. Иккинчи йили 
ерни ўғитладик. Қайтадан экдик. Яна биз кутган натижа 
бўлмади. Учинчи йили кўкарди. Кейин сув бериб, 
ўғитладик. Парвариш қилдик. Мен савдо иши билан 
ва илим билан кўп банд бўлдим, аммо боғга қарашни 
унутмадим. Икки тарафдаги боғ эгалари ҳам меҳнат 
қилди. Аммо гуллаб турган боғ эгаси биздан кўпроқ 
ишлади. У совуқни совуқ, иссқни иссиқ демасди. Боғга 
биздан олдинроқ келиб, кейинроқ кетарди. Аксига олиб, 
унинг ери унумсизроқ экан. Қайта-қайта меҳнат қилишга, 
қуриб қолган кўчатлар ўрнига янгисини экишига тўғри 
келди. Унинг бошқа тирикчилиги йўқ эди. Ҳосилдорликни 
оширишга мин марталаб уринишлари самара берди ва 
бойиб кетди. Иккинчи тарафдаги қўшним ҳам меҳнат 
қилди. Аммо биздан кейинроқ келиб, олдинроқ кетарди. 
Қуриб қолган кўчатлар ўрнига янгисини экмасди. Совуқ 
пайтлар уйидан чиқмас, иссиқ пайтлар фақат жуда кам 
меҳнат қиларди. Оқибат у ҳамон фойда кўргани йўқ. 
Умидини узиб ҳам қўйган. Бозорга борсаларинг ҳозир ўша 
одам мардикорлик қилиб юрибди. Менинг боғимга келсак, 
ўзим меҳнат қилмаганим учун ишчилар кўнгилдагидек 
меҳнат қилмади. Ҳосилдорлик қўшниникидан уч баробар 
кам. Айтганларимни тушундингизми?

---

31
-Тушундик, - деб тасдиқладик.
-Йўқ 
сизлар 
тўлиқ 
тушунмадингиз. 
Англамаганингиз кўзингиздан маълум, - дея устоз гапида 
давом этди. – Бу ерда муваффақият ва муваффақиятсизлик 
орасида аниқ фарқни кўрмаяпсизарми? Камғал одамнинг 
такрор-такрор уринишлари самараси ва омадсизнинг 
қилишни истамаган ишларини қилгани учун бойиб 
кетгани зўр ибратку. Ўртахол одамнинг дангасалиги 
ва ўзига ёқмаган, лекин фойда келтириши муқаррар 
ишларни қилмасдан мардикорга айлагани асл фожиадан 
бўлак нарса эмас. Бугунги дарсимни ҳеч қачон 
унутманглар.