Abdulla qodiriy nomidagi jizzax

 
IZOHLI LUG‘AT 
 
ASTENIK (KUCHSIZ) TUYG‘ULAR (EMOTSIYA) - shaxsning 
faolligini susaytiruvchi kechinmalar. 
AFFEKT - kuchli, jo‘shqin va nisbatan qisqa muddatli emotsional 
kechinmalar tariqasida ro‘y beradigan psixologik xolat. 
AMBIVALENTLIK - kishining bir vaqtning o‘zida bir-biriga qarama-
qarshi bo‘lgan emotsiya va tuyg‘ularni (jumladan, quvonch - musibat, kulgi va 
qayg‘u-hasrat) kechinishidan iborat psixik holati. 
APATIYA - kishining og‘ir kechinmalar, yoki kasalliklardan toliqishi 
natijasida kelib chiqadigan, hamda uning tevarak-atrofdagi olamga nisbatan 
hech qanday qiziqishlarsiz befarq qarashlarda ifodalanadigan psixik holat. 
RUHLANISH - psixik holatlardan bo‘lib, bunga kishining stenik (kuchli) 
emotsiyalari bilan ijodiy tafakkuri kiritiladi. 
DEPRESSIYA - tushkunlik kayfiyati bo‘lib, bu kishida intilishlarning 
susayishi, harakatlarning tormozlanishi bilan bog‘liq ravishda yuzaga keladigan 
ruhiy holatdir 
LIMBIK TIZIM - bosh miyaning ayrim emotsional jarayonlar bilan 
funktsional bog‘liq qismlarining umumiyligi. 
BILISHGA QIZIQISHLIK - aqliy-intellektual hislardan iborat bo‘lib, bu 
kishining tevarak-atrofdagi olamni bilish ehtiyoji tariqasida namoyon bo‘ladi. 
STENIK (KUCHLI) HISLAR (EMOTSIYALAR) - shaxsning faolligini 
oshiruvchi kechinmalar. 
EHTIROS - kishida irodaviy yo‘nalishlar bilan xarakterlanadigan 
emotsiyalarning namoyon bo‘lishi. 
STRESS (TANGLIK HOLATI) - kuchli qo‘zg‘ovchilar ta’sirida yuzaga 
keladigan jiddiylik holati. 
KAYFIYAT -  bironta emotsiyaning barqaror kechinishi. 
HISSIYOT - kishining o‘z yuksak ehtiyojlarini qondirish yoki qondirmas-
lik natijasida uning tevarak-atrofdagi olamga bo‘lgan munosabatlarining ongda 
aks ettirilishidan iborat jarayoni.