DAVLAT FRANSIYA DAVLAT TUZUMI - Respublika. Amaldagi konstitutsiyasi 1958 y. referendum da qabul qilintan (bir necha marta o’zgartishlar kiritilgan). Davlat boshlig’i — prezident. U umumiy va to’g’ridanto’g’ri ovoz berish yo’li bilan 5 y. muddatga saylanadi va yana 1 marta saylanishi mumkin. Qonun chiqaruvchi xokimiyat — parlament 2 palata (Milliy majlis va Senat)dan iborat. Ijrochi hokimiyatni prezident va Vazirlar Kengashi (hukumat) amalga oshiradi.
AHOLISI - Aholisining 90% dan ko’proga fransuzlar; shuningdek, elzas va lotaring , katalon, breton, flamand va basklar ham yashaydi. 3,5 mln. muhojir (jazoir, portugal, italyan, ispan, arman va b.) bor. 4 mln. musulmon istiqomat qiladi. Rasmiy tili — fransuz tili. Bundan tashqari, bir qancha mahalliy shevalar ham mavjud. Shahar aholisi 73%. Aholining 80% xristian (katolik), 5% ga yaqini musulmon, 2% protestant, 1% yaxudiy. Yirik shaharlari: Parij, Marsel, Lion, Tuluza, Nitssa, Nant, Strasburg , Bordo, Monpelye, Lill.
TABIATI - Sharq va jan.da tog’ tizmalari, markazining jan. qismida tog’ va keng tekisliklar bor. Alp tog’lari bilan Yura tog’lari Italiya va Shveysariya bilan tabiiy chegarani tashkil etgan. F.dagi Alp tog’larining ko’p cho’qqilari 4000 m dan ziyod. Eng baland joyi — Monblan tog’i (4807 m). Balandligi 1700 m gacha bo’lgan Yura tog’lari Belfort pastligi tomonga Rona daryosi vodiylari uzra pasayib boradi. Belfort pastligining shim,sharqiy tomonidan Reyn bo’ylab, F.Germaniya chegarasi o’tadi. Bu joyda bal. 1424 m bo’lgan Vogez tog’ tizmasi mavjud. F. va Ispaniya o’rtasida tabiiy chegara bo’lgan Pirenei tog’larining balandligi F. tomonida 3298 m ga (Vinmal) yetadi. F.da foydali qazilmalardan kumir, temir rudasi, uran, tabiiy gaz, volfram va surma, talk xom ashyosi, qo’rg’oshin, oltingugurt va rux bor. Neft va gaz juda kam miqdorda.
Do'stlaringiz bilan baham: |
