Abdunazarov Zoxid Rustamovichning bitiruv malakaviy ishI

Partenokarpiya  xilida  g’ujumlar  mutlaqo  urug’lanmagan  tugunchadan 

rivojlanib,  ular  mayda  va  dumaloq  bo’ladi  (masalan,  funksional  urg’ochi  gulli 

navlarda).  Stenospermakarpiya  xilida  esa  g’ujumlar  to’liq  urug’lanma-ganlik 

natijasida hosil bo’ladi. Bu, asosan kishmishbop nav-larda ro’y beradi. 

Uzumning  juda  yirik  sonli  nav  fondi  orasida  urug’siz,  ya’ni  kishmishbop 

navlar  alohida  o’rin  egallaydi.  Uzumning  urug’sizligi  boshqa  ko’pgina  meva-

rezavor ekinlaridagi singari mahsulotning har qanday qo’llanilishida ijobiy bo’lgan 

belgidir.  Urug’siz  uzum  navlari  guruhi  ancha  kam  hisoblanadi.  Sobiq  Ittifoq 

---

ampelografiyasida  tavsiflangan  2801  ta  navdan  45  tasi  yoki  1,6%, 

rayonlashtirilgan 229 ta navdan 7 tasi urug’siz bo’lib, bu jami navlar miqdorining 

taxminan 3% ini tashkil etadi. 

Urug’sizlik – madaniy sharoitda yuzaga kelgan mutasiyadir (yovvoyi turlar 

orasida  kuzatilmagan).  Vegetativ  yo’l  bilan  ko’paytirish  orqali  mazkur  belgi 

yanada  mustahkamlandi  va  shundan  so’ng  amaliyot  va  ishlab  chiqarishda 

qo’llanila  boshlandi.  Uzumning  urug’sizligi  –  urg’ochi  gul  degenerasiyasining 

chegaraviy  shaklidir.  Genetik  nuqtai  nazardan,  urug’lilik  –  dominant,  urug’sizlik 

esa  –  resessiv  belgidir.  Shu  bois  urug’siz  uzum  chiqarish  seleksiyasi  ancha 

murakkab va o’ziga xos xususiyatlarga ega. Urug’siz navlar miqdorining kamligini 

balki  shu  holat  bilan  tushuntirish  mumkindir,  yaqin  kunlargacha  ularning  soni 

qariyb  20  ta  atrofida  bo’lgan.  Ular  orasida  dunyo  bo’yicha  Oq  kishmish,  Qora 

kishmish,  Korinka  chernaya,  Korinka  rozovaya,  Askari  va  boshqalar  juda  keng 

tarqalgan [7]. 

Ko’pgina  olimlarning  tajribalarida  aniqlandiki,  uzum  gullaganda  uning 

changchi naylari nusellusgacha o’sadi, ammo unga kirmaydi, balki yetarlicha tig’iz 

o’rama hosil qilgancha o’zaro o’raladi va shu ko’rinishda nobud bo’ladi. Demak, 

uzumning urug’siziligi ikki marta otalanish jarayonining mavjud emasligidan kelib 

chiqadi [7, 14, 15, 16].