Abslyut nol harorat

Avogadro doimiysi: istalgan moddaning 1 molida bir xil sondagi molekulalar mavjuddir.
Avogadro qonuni. Bir xil harorat va bir xil bosimda istalgan gazning bir moli bir xil hajmni egallaydi. Normal sharoitda bu hajm V=22,41∙10^-3 m³/mol ga teng.
Aylanish chastotasi- moddiy nuqtaning vaqt birligidagi to’la aylanishlar soni.
Aylanish davri (T) deb, nuqta bir marta to’la aylanib chiqishi uchun, ya’ni 2π burchakka burilish uchun ketgan vaqtga aytiladi.
Aylanma harakatda- jismning barcha nuqtalari markazi aylanish o’qidan o’tuvchi aylanalardan iborat troektoriyalar bo’ylab harakatlanadi.
Aylanma harakat-qattiq jism barcha nuqtalarining aylanish o’qi atrofida aylana buylab harakatlanishi.
Aylanma jarayon yoki sikl deb sistema bir qancha holatlardan o’tib dastlabki holatiga qaytadigan jarayonga aytiladi.Soat strelkasi bo’ylab ro’y beradigan jarayonga (gaz oldin kengayib keyin siqiladi) to’g’ri sikl, soat strelkasiga teskari yo’nalishda (gaz oldin siqilib keyin kengayadi) ro’y beradigan jarayonga esa teskari sikl deyiladi.
Birinchi kosmik tezlik deb, jismga, u Yer atrofida aylanma orbita bo’ylab harakatlanishi, ya’ni Yerning suniy yo’ldoshi bo’lib qolishi uchun berish zarur bo’lgan eng kichik tezlikka aytiladi. U 7,9km / sek ga teng.
Bo’ylanma to’lqinlarda muhit zarralari to’lqintarqalish yo’nalishida tebranadi Ko’ndalang to’lqinlarda esa tarqalish yo’nalishiga perpendikulyar tekislikda tebranadi.
Bosim–suyuqlik yoki gaz tomonidan birlik yuzaga perpendikulyar ta’sir etadigan kuch bilan aniqlanuvchi fizik kattalik.
Boyl-Mariott qonuni. Berilgan gaz massasi uchun o’zgarmas haroratda, gaz bosimining gaz hajmiga ko’paytmasi o’zgarmas kattalikdir.
Broun harakati-Suyuqlikda (yoki gazda) muallik turgan zarraning issiqlikharakati. Zarraning o’lchamlari qanchalik kichik vaharorat qanchayuqori bo’lsa, zarra shunchalar tez harakatlanadi. Broun harakatini vujudga keltiruvchi sabab suyuqlik yoki gaz molekulalarining uzluksiz betartib harakatidir.