Abuliya yunon abulia–qat’iyatsizlik, juratsizlik, irodasizlik – muayyan psixopotologik sabablarga ko’ra irodaning bo’shashishi, kuchsizlanishi yoki to’liq yo’qolishidan iborat holat. Abuliya holatida kishi eng oddiy harakatlarni ham bajara olmay qolishi

Burch – kishining biror shaxs, oila, jamoa, el-yurt, vatan oldidagi majburiyatini anglatuvchi axloqiy tushuncha.

Verbal ta'sir – so’z va nutqimiz orqali ko’rsatadigan ta'sirimiz/

Vitalizm (lat. vitalis–hayotiy) – harakatniig mohiyatini va tiriklik hodisalarini organizmdagi maxsus, moddiy bo’lmagan manbaning, ya'ni «hayotiy kuch»ning, «ruh»ning harakati bilan tushuntirishga urinadigan reaktsion idealistik ta'limot.

            Vaqt (zamon)ni idrok qilish – materiyaning yashash formasi – muayyan ob'ektiv vaqt borligini ongimizda bevosita aks ettirish. Vaqtni idrok qilish asosan ruhiy hodisalarimizning almashuvi tufayli ro’y beradi. Vaqtni idrok qilish idrok qilinayotgan vaqt birligining ob'ektiv mazmuniga hamda bizning unga bo’lgan munosabatimizga bog’liq. Masalan, bizning ehtiyoj va qiziqishlarimizga mos bo’lgan vaqt birligini idrok qilganimizda, vaqt sub'ektiv jihatdan tez idrok qilinadi va aksincha.

            Vaqtincha unutish – avval idrok qilingan yoki esda qoldirilgan narsa va hodi-salarning obrazlarini zarur paytda esga tushira olmasdan, keyinchalik, vaqt o’tgach, esga tushirishdan iborat unutish turi.

            Vazminlik – shaxsning har qanday og’ir sharoitlarda ham o’zini tuta bilishi, qo’lga ola bilishidan iborat irodaviy xarakter xislati.

            Voqelik – inson ongidan tashqari, unga bog’liq bo’lmagan holda mavjud bo’lgan ob'ektiv borliq; atrofimizdagi narsa va hodisalar, muhit, sharoit va boshqalar.