Adabiyot fanidan nazorat ishlarini oʻtkazish yuzasidan tavsiya

Baholash mezoni:

T/r	MEZON	BALL
1	12-10 toʻgʻri test	5
2	9-7 toʻgʻri test	4
3	6-3 toʻgʻri test	3
4	2-1 toʻgʻri test	2

Taʼkidlash joizki, oʻqituvchilar Adabiyot fanidan nazorat ishi oʻtkazishdan oldin “Fanlararo uzviylik: Adabiyot va ona tili” mavzusi orqali oʻquvchilarning grammatik bilimlarini mustahkamlashga oid alohida bir soatlik dars tashkil etilishi taqvim rejada belgilangan. Nazorat va uning tahlili uchun ajratilgan 2 soatning birinchi soatini mazkur namunaviy nazorat instremenlarining istagan birorta variantini tanlash mumkin. Bunda, oʻtilgan mavzular asosida oʻquvchilar olayotgan bilimlarini nazorat qilish, badiiy tafakkurini va hissiy-irodaviy fazilatlarini rivojlantirish, kommunikativ savodxonligini oshirish va boʻshliqlarini aniqlashda foydalanadi. Ikkinchi soat: nazorat tahlilida baʼzida kuzatilgandek, qanday yozganligi, nechi baho olganligi bilan vaqt sarflash toʻgʻri emas. Bunda, oʻquvchilar qanday bajarganligi qarab boʻshliqlar va tushunmay yozilgan topshiriqlar ustida ishlash muhim, yaʼni umumiy yondashish tavsiya etiladi. Shuningdek, yozilgan shaxsiy fikrlarini bir qolipda ushlamaslik muhim sanaladi.

Ayrim insonlar taʼlim dargohida ijodiy qobiliyat rivojlantirilmaydi deb baholashadi. Aslida, ijodkorlikning boshlangʻich davri (poydevori) maktabda qoʻyilishini, shaxs rivoji uchun kuzatuvchanlik, xushmuomalalik, estetik did, xotira, iroda, tasavvurlar muhimligini unutmasligimiz kerak. Zero, insonlar jamiyatda dunyoqarashi bilan ajralib turadi.