Ахборот хизматлари учун амалий қЎлланма

ахборотнинг ишончлилиги. Агар ахборот вазиятнинг асл ҳолатини акс 
эттирса, у ишончлидир. Бундай ахборот объектив ҳам, субъектив ҳам бўлиши 
мумкин. Жиззах вилояти ҳокимлигининг айнан шу http://www.jizzax.uz сайти-
да, шу жумладан, қуйидаги ахборот ҳам бор. У тадбиркорликни лицензиялаш ва 
давлат томонидан тартибга солиш масаласига тааллуқлидир:
жиззах вилояти ҳокимлигининг 
расмий веб-сайтидан маълумот
ТИББИЁТ ХОДИМЛАРИ УЧУН ТУРАР ЖОЙ
“Мамлакатимиз Президентининг 1998 йил 10 ноябрдаги “Ўзбекистон Респу-
бликаси соғлиқни сақлаш тизимини ислоҳ қилиш Давлат дастури тўғрисида”ги 
2107-сонли Фармонига мувофиқ ҳаётга босқичма-босқич жорий қилинаётган 
тиббиёт соҳасидаги ислоҳотлар ўзининг ижобий натижаларини бермоқда.
Аҳолига малакали тиббий хизмат кўрсатиш ва профилактика тадбирла-
ри самарадорлигини оширишда соғлиқни сақлаш қуйи бўғинларининг роли жуда 
катта бўлмоқда.
Жиззах вилоятида мазкур даволаш муассасаларининг моддий-техник базаси 
мустаҳкамланмоқда, тиббий хизмат сифати яхшиланмоқда.
Минтақанинг 175 та турғун тиббий шохобчаларида ҳозирда 299 та ши-
фокор меҳнат қилмоқда. Турғун тиббий шохобчаларини малакали кадрлар би-
лан тўлдириш учун ҳукумат ҳужжатига мувофиқ қишлоқ жойларда намунали 
лойиҳалар бўйича якка тартибдаги турар-жойлар қурилмоқда.
Хусусан, Жиззах туманида жойлашган “Ардошхон” турғун тиббий шо-
хобча ходимлари учун 4 хонали коттеж қурилиб, уларда пудратчи – “Уй-жой 
таъмир” сервис маркази жамоаси томонидан пардозлаш ишлари якунланмоқда. 
Зомин тумани ҳокимининг қарорига мувофиқ, “Қизилой” турғун тиббий ша-
хобча шифокори учун тайёр коттеж сотиб олинган. Бу ерда ҳам охирги ишлар 
тугалланмоқда. Шунингдек, вилоятнинг Арнасой, Бахмал, Ғаллаорол, Фориш 
ва Янгиобод туманларида ҳам қишлоқ шифокорлари учун уй-жой қурилиши 
якунланмоқда.

---