ҲАҚИҚий тиббиёт (Йўқотилган шифо изидан) Нашрга тайёрлаган: Хадича Мисга Нашриёт

Xожамотнинг фойдалари
Xожамот орқали капилляр томирлардаги тиқилишлар очилади. Қондаги ва тўқималардаги заҳарли моддалар ва газларнинг қон йўқотиш билан чиқиши, қон олдириш амалга оширилган жой томирларидаги қон оқимини жонлантиради. Қон олдириш тўқималарнинг озиқланиши ва кислород олишини оширади, қотган жой ва шишларни кетказади.
Қон олдириш қон ишлаб чиқаришга масъул бўлган аъзолрани (суяк илиги, жигар, талоқни) рағбатлантиради, иммунитет тизимини қувватлантиради, вужудга қувват беради, оғриқларни кетказади, касалликларнинг олдини олади.
Камқонлик - бел тортиб қолиши, бўғим ва бош оғриқлари, бел, бўйин чуррасига (грижасига) ва туз йиғилишига боғлиқ оғриқлар, талоқ, жигар хасталиклари, инфекциялар, асаб, руҳий ва бошқа турли касалликларнинг давосида, ич қонашини тўхтатишда энг катта кўмакчи.
Афсуски, мамлакатимизда қон олдириш, банка қўйдириш, доялик (акушерлик) ва зулук билан даволаш йиллар давомида хўрланди, камситилди, таъқиқланди ва бу маслакларнинг йўқ бўлиш ҳавфи вужудга келди.
Америка ва Европада бу санъатлар устида изланишлар олиб борилмоқда ва бу тадқиқотлар “замонавий тиббиётнинг янги изланишлари” бўлиб, ўз она ватанига, Шарққa қайтиш арафасида турибди.
Иншааллоҳ, хорижий маркалар остида таклиф қилинган ўз адриятларимизга, лоақал шу йўл билан эришамиз.
Қон олдиришни таъқиқлашнинг юзаки сабабларидан бири “юқумли касалликларнинг кўпайиши” қўрқинчидир. Ҳолбуки, бу услуб камчиликсиз ва мукаммал бир услубдир. Бунда хасталикнинг юқишига имкон йўқ, чунки қон ташқарига сизиб чиқаркан, юқумли микроблар ҳеч бир шаклда ичкарига кирaолмайди. Ланцет (наштар) ва банкада юқумли ва заҳарли модда бўлса, у ҳатто вужудга киришга ҳаракат қилса ҳам, оқаётган қон уни ташқарига чиқариб ташлайди.
Қон олдириш тугагандан сўнг, кесилган жойларга тегмасдан, қоннинг қуришини кутиш лозим. Қонни артмоққа, кесилган жойларга антисептик қўллашга, маз суришга ва бинт билан ўрашга ҳожат йўқ. Чунки тоза кесиклар учун қоннинг ўзидан ҳам яхшироқ тозаловчи, тўхтатувчи, инфекциядан ҳимояловчи бирор дори йўқдир. Фақат кесиклар устида қондан вужудга келган қобиқларни қўпормаслик, инфекцияларга йўл очмаслик лозим.