Қалбакилаштириш

4. Балиқ маҳсулотларининг ахборот қалбакилаштирувига нималар киради?

1. 
   сифат сертификатини, божхона ҳужжатларини, ишлаб чиқарилган сана, штрих кодни ва бошқаларни сохталаштириш.
   
2. 
   балиқнинг миқдорини кўпайтириб кўрсатиш орқали
   
3. 
   сув қўшиш, сифациз хом-ашёдан фойдаланиш, номаълум қўшимчалар қўшиш
   
4. 
   озуқавий қўшимчалар қўшиш орқали
   

5. 
   Ичимликларни (алкоголли ва алкоголсиз)
   идентификациялаш ва қалбакилаштириш
   

Охирги йилларда Ўзбекистонда алкоголли ичимликлар, айниқса вино ассортименти ва уларни ишлаб чиқариш анча кўпайди. Алкоголли маҳсулот бозорида юзлаб номда ароқ, аччиқ настойкалар, винолар бор. Бу бозор ишлаб чиқарувчига ҳам, ушбу маҳсулотларни реализация қилувчига ҳам жуда катта даромад келтиради, шу сабабли алкоголли маҳсулотни реализация қилувчи ҳам, уни ишлаб чиқарувчи ҳам доимо алкоголли маҳсулотларни қалбакилаштириш ёки сув ё бўлмаса арзонроқ техник спирт аралаштириш йўли билан ҳажмини оширишга қизиқадилар.
Бозорларга келаётган алкоголли ичимликларнинг, айниқса ароқ ва виноларнинг ҳақиқийлигини ҳар томонлама экспертиза қилиш муаммоси жуда долзарбдир. Мутахассис бўлмаган

кўпгина одамлар у ёки бу назорат идораларида алкоголли маҳсулот сифати устидан назорат тизимини ташкил этишга ҳаракат қиладилар, лекин бу соҳада юқори малакали мутахассисларнинг йўқлиги уларнинг ҳамма ҳаракатини оммага ёқиш мақсадидаги сафсатабозликка айлантириб қўяди, холос.
Алкоголли ичимликларнинг ҳақиқийлигини экспертиза қилганда қуйидаги тадқиқот мақсадларига эришиш мумкин:

• 
  алкоголли маҳсулот турини идентификациялаш;
  
• 
  қалбакилаштириш усуллари ва уларни аниқлаш йўллари.
  

Алкоголли ичимлик турини идентификациялаш мақсадида ҳақиқийликни экспертиза қилган вақтда эксперт ўзи учун бунда ҳал қилинадиган вазифалар ҳамда ўз ихтиёридаги усуллар доирасини белгилаб олиши керак. Муайян мақсадга эришиш учун эксперт ҳал қилиши мумкин бўлган вазифалар доирасини куриб чиқамиз.