Alisher navoiy nomidagi samarqand davlat universiteti psixologiya kafedrasi

5-MAVZU. KONFLIKTLARNING RIVOJLANIShI VA MEXANIZMLARI 
REJA 
 
1.  Konflikli vaziyat tushunchasi 
2.  Konfliktlarning rivojlanish dinamikasi 
3.  Konfliktning tugashi va uni psixologik hal qilish 
4.  Konflikt ishtirokchilarining ruhiy tiplari 
 
Konfliktli    vaziyat  tushunchasi.  Konfliktgacha  bo’lgan  hodisalarni  ko’rib 
chiqsak,  ularning  ikki  guruhdan  iborat  ekanligini  aniqlash  mumkin:  qarama-qarshi 
kurashuvchi taraflar ishtirok etayotgan obyektiv hayotiy vaziyat va taraflarning o’zi - 
muayyan  manfaatlarga ega kishilar. 
Ma’lumki,  hayotiy  vaziyat  o’zining  ko’p  jihatlari  bo’yicha  turlicha  bo’lishi 
mumkin. Inson turmushi yoki ijtimoiy guruh mavjud bo’lishi holatlari o’zgaruvchan, 
tezlik bilan yoki aksincha,sekinlik bilan kechuvchi , uzoq vaqt o’zgarmaydigan tarzda 
o’tishi  mumkin.Ular  muayyan  ma’naviy  muhit  va  u  yoki  bu  darajadagi  moddiy 
ne’matlar  bilan  xarakterlanishi  mumkin.  Ular  subyektlarning  hududiy  joylashuvi, 
turli ijtimoiy iyerarxiyalar va boshqa ko’p omillar bilan bog’liq.