1-Boshlovchi: Navoiy ijodini o‘rganish o‘z davridayoq boshlandi. Bu izlanishlar XX asrda ayniqsa yaxshi olib borildi. Atoqli ijodkorimiz Oybek "Navoiy” poemasi, "Navoiy” romanini, M.Jo‘rayev "El desa Navoiy” ni to‘plamini, Uyg‘un va Izzat Sulton hamkorlikda "Alisher Navoiy” dramasini yaratdilar.
(Sahnaga Guli va Navoiy chiqadi).
Guli: Orazin yopqoch ko’zimdin sochilur har lahza yosh.. (Navoiy kirib keladi va davom ettiradi)
Navoiy: Bo’ylakim, paydo bo’lur yulduz nihon bo’lg’och quyosh.
Guli: Assalom, shoirlar sultoni ustoz,
Chorlabsiz men uchun yuborib og’oz.
Xavotir ichida siz tomon shoshdim,
Ollohga shukrlar, salomat topdim.
Navoiy:
Ofarinlar sizga go’zalim, Guli.
Dilimning sururi, ko’zimning nuri.
Chorlaganim bois, yaxshilik, illo.
Sizni ko’rmoq yana nasiba Ollo.
Bugun tongda bitdim yangi go’zal bayt,
Sizga atab bitdim bir evon faat.
O’qursiz vaqt topib yod aylab bizni,
Xudoyim, panohda asrasin sizni.
(Guli ta’zim ila Navoiydan kitobni oladi.)
Guli:
Devoningiz muborak, boshim ustiga,
Barini yod oldim, sizga tasanno.
Mushoira (Navoiy g‘azal va ruboylaridan namunalari aytiladi)
"O‘n sakkiz yosh hayratlari” g‘azali.
O‘n sakkiz ming olam oshubi agar boshindadur,
Ne ajab, chun sarvinozim o‘n sakkiz yoshundadir.
Desa bo‘lg‘aykim, yana ham o‘n sakkiz husni bor,
O‘n sakkiz yoshinda muncha fitnakim boshindadur.
O‘n sakkiz yil dema, yuz sakson yil, o‘lsa o‘ldurur,
Husn shohi, ul balolarkim ko‘zi qoshindadur.
Hayrat etmon husni naqshindaki, har hayratki bor,
Barchasi ezid taolo sun’i naqqoshindadur.
"Kelmadi” g‘azali.
Kecha kelgumdir debon ul sarvi gulro‘ kelmadi,
Ko‘zlarimga kecha tong otguncha uyqu kelmadi.
Lahza-lahza chiqdimu, chekdim yo‘lida intizor,
Keli jon og‘zimg‘a-vu, ul sho‘xi bad‘xo kelmadi.
Orazidek oydin erkanda gar etti ehtiyot,
Ro‘zg‘orimdek ham o‘lg‘onda qorong‘u kelmadi.
Ul parivash hajridinkim, yig‘ladim devonavor,
Kimsa bormikim, anga ko‘rganda kulgu kelmadi.
Ko‘zlaringdin necha suv kelgay, dev o‘turmang meni,
Kim bori qon erdi kelgan, bu kecha suv kelmadi.
Tolibi sodiq topilmas, yo‘sa kim qo‘yi qadam,
Yo‘ldakim, avval qadam mashuqe o‘tru kelmadi.
Ey, Navoiy, boda birla xurram et ko‘ngling o‘yin,
Ne uchunkim, boda kelgan uyga qayg‘u kelmadi.
Do'stlaringiz bilan baham: |
