Allanazarova dilafruzning

Davlat nomi	2017-yil	2018-yil
2019-yil
Rossiya Federatsiyasi	4 340,8	5 092,7	5 809,2
Eksport	1 879,0	1 892,1	2 128,3
Import	2 461,8	3 200,5	3 680,8
Saldo	-582,9	-1 308,4	-1 552,5

O`zbekiston Respublikasining Rossiya Federatsiyasi bilan tashqi savdo aylanmasi dinamikasi (yanvar-noyabr, mln. AQSh dollari)
3-Jadval

Respublikada yetishtirilgan mеva va sabzavot mahsulotlarining asosiy bozorlari eksportida Rossiyaning o`rni.

2.3.O`ZBEKISTON-ROSSIYANING BUGUNGI KUNDAGI TASHQI ALOQALARINING ISTIQBOLLARI
Rossiya - Oʻzbekiston iqtisodiyotining asosiy sarmoyadorlaridan biri hisoblanadi. Mirziyoyev taʼkidlaganidek, Rossiyaning respublika iqtisodiyotiga toʻplangan sarmoyalari hajmi 10 mlrd $dan oshadi.
Ayni paytda davlatlar 150 dan ortiq qoʻshma loyihalarni amalga oshirmoqda, ularning umumiy qiymati qariyb 14 mlrd $ni tashkil etadi, dedi Rossiya prezidenti Vladimir Putin. 2022-yilning 1 noyabr holatiga koʻra, Oʻzbekistondagi xorijiy kapital ishtirokidagi korxonalar soni boʻyicha Rossiya Federatsiyasi yetakchilik qilmoqda (2 335 ta kompaniya). Rossiya investitsiyalari respublika iqtisodiyotining asosiy tarmoqlari: togʻ-metallurgiya, neft va gaz, energetika, qishloq xoʻjaligiga yoʻnaltirilgan. “Lukoyl” OAJ Oʻzbekistonda gazni qidirish va qazib olishga qariyb 8 mlrd $ investitsiya kiritdi.
"Gazprom" OAJ mamlakat hududida uglevodorodlarni qidirish va qazib olishga sarmoya kiritmoqda: 2006-yildan 2013-yilgacha kompaniya Ustyurt hududidagi qidiruv ishlariga qariyb 383 mln $ sarmoya kiritdi.
Bundan tashqari, Gazprombank Oʻzbekistonda uglevodorodlarni qazib olish loyihasini moliyalashtirmoqda. Loyihaning umumiy qiymati 2017-2021 yillarga moʻljallangan 3,9 mlrd $ni tashkil etdi. Rossiya eksport markazi (RETS OJ) bilan Gazprombank 3 mlrd $ investitsiya loyihalarini birgalikda amalga oshirish boʻyicha shartnoma imzoladi. Ular neft-kimyo, konchilik va metallurgiya sanoatiga taalluqli.
Ikki mamlakat oʻrtasidagi iqtisodiy sheriklikda amalga oshirilgan salmoqli yutuqlar erishmoqda. Oʻzbekistonda Rossiya kapitali ishtirokida tashkil etilgan korxonalar soni oʻtgan 4 yil davomida 2,5 barobar oʻsib, 2 mingdan oshdi. 2021- yilning 9 oyida mamlakatda 200 dan ziyod oʻzbek-rus korxonalari tashkil etildi. Hozirgi kunda Oʻzbekistonda neft-kimyo, togʻ-kon metallurgiya, energetika, sogʻliqni saqlash va farmatsevtika, qurilish materiallari, toʻqimachilik mahsulotlari ishlab chiqarish, shuningdek, meva-sabzavotni qayta ishlash sohalarida umumiy qiymati 14 milliard dollardan ziyod 150 ta qoʻshma loyiha amalga oshirilyapti. Oʻzbekiston Respublikasi Investitsiyalar va tashqi savdo vazirligi hamda Rossiya Federatsiyasi Sanoat va savdo vazirligi oʻrtasida tashkil etilgan qoʻshma Loyiha ofisining samarali faoliyati taʼkidlandi. Ofis vazifalari istiqbolli investitsiya takliflarini ishlab chiqish hamda kelgusida hayotga tatbiq etish uchun yangi loyihalarni shakllantirish ekanligi qayd etildi. Maʼlum qilinishicha, ayni paytda Loyiha ofisi ekspert va mutaxassislari umumiy qiymati qariyb 9 milliard dollarga teng boʻlgan 180 dan ortiq loyihaning yangi portfeli ustida ish olib boryapti. Oʻzbekiston va Rossiya ishbilarmon doiralari oʻrtasida yangi aloqalar oʻrnatish boʻyicha samarali ishlar olib borilyapti: oʻzaro biznes missiyalar, forumlar, sanoat koʻrgazmalari va boshqa qoʻshma tadbirlar tashkil etilyapti. Xususan, joriy yilda Toshkentda oʻtkazilgan “Innoprom” sanoat koʻrgazmasi yakunlari boʻyicha umumiy qiymati 3 milliard dollardan ziyod 300 dan koʻproq bitim imzolandi.
Oʻzaro savdoni rivojlantirishning ijobiy tendensiyalari muhokama qilindi. Bu borada hamkorlikni yanada kengaytirish boʻyicha ulkan imkoniyatlar borligi qayd etildi. Jumladan, sovitkichli vagonlardan tashkil topgan temir yoʻl poyezdlarida qishloq xoʻjaligi mahsulotlarini jadal yetkazib berish boʻyicha “Agroekspress” loyihasi Oʻzbekiston-Rossiya savdosini rivojlantirish drayveriga aylanishi mumkin. Loyiha doirasida Oʻzbekistondan yangi uzilgan meva va sabzavotlarni birinchi marta yetkazib berish joriy yilning noyabr oyi oʻrtalariga rejalashtirilgan. “Bizning mushtarak maqsadimiz 2030-yilga borib mamlakatlarimizga temir yoʻl orqali 1 million tonna mahsulot yetkazib berishdir”, — dedi yig`ilishda qatnashgan Rossiya savdo vaziri .M.Reshetnikov.
2019-yil Samarqandda “Valday” xalqaro munozaralar klubining X Osiyo konferensiyasi, 2021-yil Toshkentda O‘zbekiston Prezidenti huzuridagi Strategik va mintaqalararo tadqiqotlar instituti hamda Rossiyaning “Valday” xalqaro munozara klubi hamkorligida «Rossiya va O‘zbekiston hamkorligining yangi tarixiy bosqichidagi taraqqiyot va xavfsizlik tahdidlari» mavzusida xalqaro konferensiyaning o‘tkazilishi muhim tadbirlardan bo‘ldi. Ushbu tadbirlar tomonlarning o‘zaro hamkorlikni rivojlantirish istagini, mamlakatlarimiz yetakchi tahlil tuzilmalari o‘rtasidagi o‘zaro munosabatlarning yuksak salohiyatini namoyish etdi. Sog‘liqni saqlash sohasida 2017-yildan buyon O‘zbekiston va Rossiyaning sog‘liqni saqlash, tibbiy taʼlim va ilm-fan sohasidagi yetakchi tashkilotlari o‘rtasida neyroxirurgiya, pediatriya, jarrohlik, kardiologiya, onkologiya kabi sohalarda 30 dan ortiq shartnoma imzolangan.
Bugungi kunda O‘zbekistonda rus millatiga mansub 900 mingga yaqin fuqaro istiqomat qilmoqda. 2000-yildan beri ulardan mingdan ortig‘i davlat mukofotlari bilan taqdirlangan. Ular respublikaning zamonaviy taraqqiyotiga munosib hissa qo‘shmoqda. Ushbu vatandoshlarimiz orasida sportchilar, olimlar, sanʼatkorlar, tadbirkorlar va boshqa soha vakillari bor. O‘z navbatida, respublikada ularning ona tili va madaniyatini, maʼnaviy qadriyatlarini asrab-avaylash uchun barcha shart-sharoitlar yaratilgan. 804 ta maktabda rus tili o‘qitiladi, barcha universitetlarda o‘qish rus tilida olib boriladigan fakultetlar mavjud. O‘zbekistonda 38 ta pravoslav cherkovi faoliyat olib bormoqda. Respublikada 19 ta shahardagi jamoatchilik madaniy-maʼrifiy tuzilmalarni birlashtirgan Rus madaniyat markazi tashkil etilgan.
2022-yilda O‘zbekiston va Rossiya strategik munosabatlar o‘rnatilganining 30 yilligini nishonladi. Mamlakatlarimiz o‘rtasidagi vaqt va umumiy tahdidlar sinovidan o‘tgan strategic sheriklik bundan keyin ham mustahkamlanib, rivojlanib boraveradi, deb ishonch bilan aytish mumkin. Do‘st xalqlarning ravnaqi va faravonligini taʼminlash, ularning ijtimoiy, iqtisodiy, ilmiy va madaniy taraqqiyotda yangi muvaffaqiyatlarga erishishi uchun barcha zarur shart-sharoitlarni yaratish O‘zbekiston-Rossiya munosabatlarining mustahkam poydevori bo‘lib qoladi.
5-Rasm