Amaliy mashgulot №12 Osteoparoz kassaligi. Davolash va profilaktikasi gipoparatireoz (Osteoparoz)

Tashxis Anamnez malumotlari, klinik belgilar va laborator natijalarga 
(umumiy va ionlashgan kalsiyning qonda kamayishi, fosforning ortishi) ko‘ra 
asoslanadi. Siydikda kalsiy va fosfor miqdori juda past bo‘ladi (Sulkovich sinamasi 
manfiy). PTG miqdori qon zardobida kamaygan bo‘ladi. EKGda Q–T
intervalining cho‘zilishi, izoelektrik S–T intervalini, sezilarli darajadagi 
gipokalsemiyada aritmiya, kam ehtimol bilan yurak to‘xtashini qayd qilish 
mumkin.
Rentgenologik tekshiruvda suyak to‘qimasida osteoporoz, skelet tizimida 
deformatsiya, subperiostal rezorbsiya aniqlanadi. Bazi bemorlarda mushaklarda, 
buyraklarda kalsifikatlar, bosh miya KT tekshiruvida – bazal gangliylarda 
kalsifikatlar aniqlanadi. Bemorlar oftalmolog (kataraktani o‘z vaqtida aniqlash 
uchun) va nevropatolog tomonidan ko‘rilishi kerak.
Qiyosiy tashxis. Gipokalsemiya bilan kechuvchi kasalliklar bilan o‘tkazish 
mumkin: gipo- va avitaminoz D, malabsorbsiya sindromi, surunkali buyrak 
yetishmovchiligi, o‘tkir pankreatit, diareya (tabl). Uzoq muddatli to‘xtovsiz qusish 
yoki giperventilyasiya natijasida kelib chiqqan alkaloz, bundan tashqari kalsiyni 
bog‘lab oluvchi (qonning sitratli mahsulotlari), suyak osteoklastlari 
rezabsorbsiyasini ingibirlovchi (bifosfonat, mitramitsin), buyraklarda kalsiy 
reabsorbsiyasini to‘xtatuvchi (furosemid) preparatlar kiritilganda tetaniya keltirib 
chiqarishi mumkin. Talvasa epilepsiyadagi talvasadan (hushini yo‘qotish bilan, 
tilni tig‘lab olish bilan, og‘izdan ko‘pik chiqishi, ixtiyorsiz siydik ajratish va 
defekatsiya bilan kechadi), gipoglikemik talvasadan (qonda qand miqdori 
pasaygan, talvasadan oldin kuchli ochlik hissi, terlash, oqarish, yurakning tez 
urishi, ko‘pincha qandli diabet bemorlarda kuzatilishi) qiyosiy tashxis o‘tkaziladi. 

 
 
 

---