Anorganik kimyo ii

HClO₄ ning boshqa hossalari:

KClO₄ + H₂SO₄ = KHSO₄ + HClO₄ (lab.Olinishi) HClO₄(kons.) + MCl(kons.) = MClO₄↓ + HCl (M = K, Rb, Cs). 4HClO₄ + P₄O₁₀ = 2Cl₂O₇ + 4HPO₃
4HClO₄ + 7С(grafit) = 7CO₂↑ + 2Cl₂↑ + 2H₂O.




BROM

Brom tuz konlarining ustki qavatlarida karnalit KBr∙MgBr₂∙6H₂O holida uchraydi. Dengiz suvida va tuz konlarida NaBr va KBr uchraydi. Tabiiy brom ikki izotopdan tashkil topgan: ⁷⁹ Br (50,59%) va ⁸¹Br (49,46%), ko'pgina sun’iy izotoplari olingan.

Brom og‘ir, qizil-qo‘ng‘ir suyuqlik. U juda tez bug‘lanib, metall kabi sal yaltiraydigan to‘q kulrang kristallar hosil qiladi. Brom bug'lari zaharli, qaynash temperaturasi 58,8
°C, muzlash temperaturasi −7,3 °C. Solishtirma massasi 20°C da 3,14 g/sm³, eruvchanligi 20 °C da 100 g suvda 3,55 g brom eriydi. Brom sovitilganda −10 °C dan past temperaturada kristallogidrat ajralib chiqadi. Brom odatdagi
sharoitda fosfor, mishyak, surma va ba’zi metallar bilan bevosita birika oladi. Brom birikmalaridan ftor va xlomi siqib chiqara olmaydi. Yodni esa birikmalardan siqib chiqaradi. Bromli tuzlarga xlor ta’sir ettirib brom olinadi:
2KBr + Cl₂ = 2KCl + Br₂
Laboratoriyada brom MnO₂ bilan KBr aralashmasiga kons. sulfat kislota ta’sir ettirish yo'li bilan olinadi.
Bromning vodorodli birikmasini brom tuziga sulfat kislota ta’sif ettirib olib bo'lmaydi:
2KBr + H₂SO₄ = KHSO₄ + HBr
Hosil bo'lgan vodorod bromid yana sulfat kislota bilan qo'shilib, erkin brom ajralib chiqadi:
2HBr + H₂SO₄ = Br₂ + SO₂ + 2H₂O
Vodorod bromid olish uchun, asosan, PBr₃ gidrolizidae foydalaniladi:
PBr₃ + 3H₂O = H₃PO₃ + 3HBr
Bromdan turli dorivor vositalar, ba’zi bo‘yoqlar, kumush bromid ishlab chiqarish uchun foydalaniladi. Bromning yetishmasligi insonlarda turli asab kasalliklarini keltirib chiqaradi. Asab kasalliklarida, uyqusizlikda bemorlarga bromli dori-darmonlar tavsiya qilinadi. Kumush bromid fotoplyonkalar tayyorlashda va kimyo laboratoriyalarida ishlatiladi.