Антенналарнинг хоссалари ва параметрлари Антенна параметрлари

1.2-расм. Тўғри бурчакли координаталар тизимида йўналганлик диаграммаси

Меъёрланган йўналиш тавсифининг максимал қиймати F(θ ) = 1 га тенг.

1.3-расм. Координаталар тизимида йўналганлик диаграммасининг кенглигини аниқлаш


Нолинчи нурлатишдаги ЙД кенглиги деб, майдон кучланганлиги 0 гача тушган ораликдаги бурчак айтилади.
Ярим қувват бўйича ЙД кенглиги деб, қувват зичлиги марта камайган оралиқ айтилади..
ЙД қўшни минимал нурлатишлар билан чегараланган ички соҳаси антенна ЙД нинг баргчаси деб аталади. Антеннанинг максимал нурлатиши оралиғидаги ЙД баргчаси бош баргча ҳисобланади, унга нисбатан 180⁰ бурчак остида жойлашгани эса орқа баргча, деб аталади. Бош ва орқа баргчалардан қолганлари ён баргчалар деб номланади. Бош баргча минимумлари орасидаги масофага ЙД баргчасиннг кенглиги деб аталади. Юқоридаги 1.3-расмда ЙД бош баргчасининг кенглигини нолинчи нурланиш 2θ₀ бўйича ва майдон кучланганлигининг сатҳи 0.707 га мос келган максимал қувват θ_0.5 бўйича аниқлаш келтирилган.
Ён баргчаларнинг сатҳи қуйидаги формула орқали ифодаланади

ζ_n = |E_N| /|E_max| = f (θ₁,φ₁) / f_max (θ₀, θ₀) = F (θ₁,φ₁) (1.8)

Баъзи ҳолларда ён баргчаларнинг сатҳи дБ ўлчанади: ζ_N,дБ =20lgζ_N.

Антенналарни шартли равишда тўртта катта гуруҳга бўлиш мумкин:
1. Унча катта бўлмаган ўлчамдаги нурлатгичлар:
l ≤ λ; f = 10 кГц…1 ГГц.
Масалан: тирқишдан ясалган якка тебратгичли нурлатгичлар, микрочизиқли ва рамкали антенналар.
2. Югурма тўлқин антенналари:
l< λ ≤ 10 λ; f = 3 МГц…10 ГГц.
Масалан: спирал, диэлектрик, тўлқин каналли (директорли) антенналар.
3. Антенна панжаралари:
λ < l ≤ 100 λ; f = 3 МГц…30 ГГц.
Масалан: синфаз горизонтал диапазонли антенна, телемарказдан узатувчи антенналар.
4. Аппертурали антенналар (апертура - бу нурлатувчи сирт):
λ < l ≤ 1000 λ; f = 100 МГц…100 ГГц.
Масалан: рупорли, параболик антенналар.
Шунингдек, ишчи частота полосаси ҳам антеннанинг асосий тавсифи ҳисобланади. Ишчи частота полосасининг кенглигига кўра антенналар қуйидагиларга бўлинади:
а) тор полосали Δf/f₀ < 10 %;
б) кенг полосали Δf/f₀ < 10 …50 %;
в) диапазонли K_қ = 2…5 (f_иmax/f_иmin=2…5);
г) частотага боғлик бўлмаган K_қ > 5;
бунда, Δf - ишчи частота полосаси; f₀- элтувчи ёки ўртача частота; K_қ - частота бўйича қамраш коэффициенти.
Антенна ёрдамида нурлатилган электромагнит майдонни ҳисоблашда антеннани чексиз элементар нурлатгичлар ёки манбалар кўринишда қараш мумкин:
- ўтказгичли антенна бўлган ҳолатда элементар электр тебратгич элементар манба ҳисобланади;
- тирқишли антенналарда элементар магнит нурлатгич элементар манба ҳисобланади;
-апертур антенналарда - Гюйгенс элементи элементар манба ҳисобланади (тўлқин фронтининг чексиз кичик элементлари).
Радиотўлқинларнинг муҳим характеристикаларидан бири унинг қутбланиши ҳисобланади. Қутбланиш турлари юқори частотанинг бир даврида Е векторнинг охири ҳосил қилган шаклга қараб аниқланади. Агар Е вектор фазонинг берилган нуқтасида тебранишнинг бир даври оралиғида тўғри чизиқ ҳосил қилса, чизиқли қутбланиш; агар эллипс ҳосил қилса, эллипсли қутбланиш; агар айлана ҳосил қилса, доиравий қутбланиш деб аталади.