Aqirg’i miy-felensephalon

Shandiq dene korpuskollasum

Shandiq denen eki yarim shardi bir-birinen ajiratip turiwshi uzinina ketken jariqtiń astinda jaylasqan. Shandiq dene 3 bólimnen: aldińgi, orta hám árqa bólimnen turadi. Stvol (denesi) dep ataliwshi orta bólimi aldińgi tárepi dize siyaqli búgilip tómenge túsedi. Áne usi búgilgen jerge shandiq deneniń dizesi delinedi. Tómenge tusiwshi bólegi qus tumsiǵi siyaqli tarayip baradi, sol ushin ol shandiq dene tumsiǵi delinedi. Tumsiqtiń ushinan tómenge juqa plastinka dawam etip, ol aqirǵi plastinkaǵa barip qosiladi. Shandiq deneniń arqa sheti qalińlasqan bolip, oni shandiq dene qayisi dep ataydi. Ol tórt tóbeshik hám shiyshe tárizli dene tóbesinen erkin asilip turadi.

Gúmbez-forhix

Aq zattan dúzilgen gúmbez shandiq deneniń astinda jaylasqan. Oniń aldińǵi hám artqi tómengi tárepleri ekige ajiralǵan, ortasi bolsa tutas bolǵani sebepli uzayǵan kóbeytiw belgisine usas boladi. Gúmbez ortasindaǵi tutas bólimge gúmbez denesi delinedi. Ol shandiq deneniń stvoliniń astina jabisip turadi. Denesi arqa tárepten eki ulken ayaqlarǵa ajiralip, qaptal qarinshaniń tómengi tómengi shaqi ishindegi búklemnen baslanip keledi. Ayaqlar aweli bir-birinen juda uzaq halda tursada keyin ala bir-birine jaqinlasadi hám qosilip ketedi.

Gúmbezdiń deneden aldińǵi bólimide eki baǵanaǵa ajiraladi. Ayaqlar awele aldinǵa soń qayirilip tómenge baǵdarlanadi. Hám sorǵish tárizli denege barip tamamlanadi. Gúmbezdi payda etken talalar yarimsharlardiń sheke bólimin araliq miy menen qosadi. Gúmbez baǵanalari menen shandiq deneniń aldińǵi bólimi dizesi hám tumsiǵi arasinda juqa perde tartilǵan bolip, oǵan tiniq perde yaki juqa diywal delinedi. Bul perde eki qabattan ibarat bolip, olardiń arasinda tiniq suyiqliq penen tolǵan bosliq bar. Ayirim ilimpazlar buni besinshi qarinsha dep ataydi. Leykin bul tuwri emes sebebi bul