Қарши давлат университети боланғич таълим кафедраси

 
Биринчи ота-оналар синф мажлисини ташкил 
қилиш методикаси 
Ҳар бир ўқув йилининг бошида ўтказиладиган ота-оналарнинг синф 
мажлисини илмий, назарий, маънавий ва методик жиҳатдан мазмунан 
ташкил қила билиш ота-онанинг бундай мажлисларни орзиқиб кутиб доимий 
қатнашувчи бўлишига замин ҳозирлайди. Бундан мажлис ўқитувчидан кўп 
билим ва маҳорат талаб этади. 
Дастлаб ундаги масалалар юзасидан тайёргарликни бир ой олдин 
бошлаш керак. Булар: ҳар бир оила аъзоси ва шарт-шароити ҳақидаги 
маълумотта эга булиш: 
- оила ва атрофдаги ижтимоий муносабат муҳитини соз ёки носозлигини 
аниқлаш; 
- ҳар бир ўқувчи шахси ҳаҳида тўлиқ маълумотга эга булиш; 
- оилада болани мактабга тайёрлаш тартиби кабилар.
Биринчи мажлисни ўтказишдан олдин ўқитувчининг тайёргарлиги: 
1. Мажлис мавзуси ва мақсадини аниқлаш. 
2. Мажлис ўтадиган жойни жиҳозлаш. 
3. Мажлис ўтказиш методини танлаш; суҳбат, тушунтириш. 
4. Мактаб тарихи ва келажакдаги режалари ҳақида қисқа маълумот 
тайёрлаш. 
5. Ота-оналар жамоаси низомини кўргазма тариқасида тайёрлаш (мактаб 
раҳбариятининг низом ҳақидаги чиқишини ҳозирлаш). 
6. Синф ота-оналар қўмитасини сайлаш. 
Биринчи ота-оналар мажлиси самараси кўп жиҳатдан ўқитувчининг 
шахсига боғлиқдир. Унинг ўзини тутиши, муомаласи, ишбилармонлиги, ҳар 
бир ўқувчи ва оиласи ҳақида маълумотга эга бўлиши, ота-оналарга ижобий 
таассурот қолдиради. 
Кузатишларимиз шуни курсатадики, мактабдаги ота-оналар мажлисини 
юқори савияда бўлмаслиги ота-оналарни мактабдан совитади. 
Тайёргарликсиз, бу сизни болангиз яхши, сизники ёмон дейиш ёки 
табелларни бериб қўл қўйдиришдир. 
Айниқса «ёмон» ўқийдиган болаларнинг ота-оналарини жамоа орасида 
обрўсизлантиришга интилиш ҳолатлари, ота-оналарни мактабдан узоқлашиб 
кетишига сабаб бўлади. 
Бундай мажлислардан воз кечиш керак. Мустақил Ўзбекистон 
Республикасининг миллий истиқлол мафкурасини мустаҳкамловчи янгича 
муносабат мактаб – ота-оналар ёш авлоднинг тарбиясига зарурдир. 
Ҳар бир ота-оналар мажлиси улкан мақсадга қаратилган, турли 
шаклларда ташкил қилиш, талабга мувофиқдир. Яъни: 
– «Педагог маслаҳатига амал қиламиз» мавзусидаги мажлислар; 
– «Учрашувчи мажлис», (олим, тиббий ходим, саньат маданият 

---

111 
арбоблари); 
– баҳс мажлислари: таълим-тарбияга доир муммолар юзасидан ёки 
педагогик адабитлар юзасидан; «Меросга ихлос» мажлислари; 
– бола тарбиясига доир Қуръони Карим, Ҳадис ва мутафаккирларнинг 
доно фикрларидан фойдаланиш;
– синф ота-оналар мажлисини ўтказиш тартиби; 
– синф ўқитувчиси ва ота-оналар қўмитаси аъзоларининг олдинги 
мажлисларида қабул қилинган қарорларининг бажарилиши ҳақида 
ахборотлари эшитилади. 
Мажлис мақсадига кўра мавзунинг эълон қилиниши (юқорида 
кўрсатилган мажлис турига кўра унинг мазмуни асослаб берилади). 
Ота-оналар фикр ва мулоҳазалари эшитилади. Ўқув-тарбия ишларидан 
савол ва талабларни муҳокама этилади. 
Турли масалалар ҳал қилинади. Синф мажлиси қарори чиқарилиб, 
тасдиқланади. Ўқитувчи келгуси мажлис режаси билан таништиради. 
Мажлис ўтказиш тартиби мавзунинг ўзига хос хусусиятига кура ўзгариб 
боради.